ହ୍ୟୁଷ୍ଟନ,୧୫।୫ (ଏପି): ଆମେରିକା ଓ କାନାଡ଼ା ପର୍ଯ୍ୟବେଷିତ ଜଣାଶୁଣା ପେସାଦାର ବାସ୍କେଟବଲ୍ ଲିଗ୍ ଏମ୍ଏଲବିର ଅଲ- ଷ୍ଟାର ଦଳର ପୂର୍ବତନ ଖେଳାଳି ତଥା ଜେନେରାଲ ମ୍ୟାନେଜର ଓ କାର୍ଯ୍ୟନିର୍ବାହୀ ବବ୍ ଓ୍ବାଟସନ ୭୪ ବର୍ଷରେ ପରଲୋକ ଗମନ କରିଛନ୍ତି। ସେ ପ୍ରଥମ କୃଷ୍ଣକାୟ ମ୍ୟାନେଜର ଭାବେ ଓ୍ବାଲ୍ଡ ସିରିଜ ବିଜୟୀ ହୋଇଥିଲେ। ୧୯୯୬ରେ ସେ ନ୍ୟୁୟର୍କ ୟାନ୍କିଜ୍ ସହିତ ଏହି ସଫଳତା ପାଇଥବଲେ।
ହଷ୍ଟନ ଆଷ୍ଟ୍ରୋସ୍ ତରଫରୁ ଓ୍ବାଟସନ ତାଙ୍କର ପ୍ରଥମ ୧୪ଟି ମେଜର ଲିଗ୍ ସେସନ ଖେଳିଥିଲେ। ଓ୍ବାଟସନଙ୍କ ମୃତ୍ୟୁଖବର ହଷ୍ଟନ ଆଷ୍ଟ୍ରୋସ୍ ତରଫରୁ ଗୁରୁବାର ଘୋଷଣା କରାଯାଇଥିଲା। ତେବେ ତାଙ୍କ ମୃତ୍ୟୁ ସମ୍ପର୍କରେ ସମ୍ପୂର୍ଣ୍ଣ ବିବରଣୀ ପ୍ରଦାନ କରାଯାଇନାହିଁ। ଦି ବୁଲ୍ ନାମରେ ପରିଚିତ ଥିବା ଓ୍ବାଟସନ ୧୯୭୩ ରେ ଅଲ- ଷ୍ଟାର ଟିମ୍ରେ ଯୋଗ ଦେଇଥିଲେ। ସେ ଜଣେ ଉଚ୍ଚକୋଟୀର ଖେଳାଳି ଥିଲେ। ମେଜର ଲିଗ୍ ଇତିହାସରେ ସେ ୧ ମିଲିଅନ୍ଥ ରନ୍ କରିବାର ବିରଳ ରେକର୍ଡ ସୃଷ୍ଟି କରିଥିଲେ। ୧୯୭୫ ମେ ୪ ତାରିଖରେ ସେ କାଣ୍ଡଲେଷ୍ଟିକ ପାର୍କରେ ସାନ ଫ୍ରାନସିସ୍କୋର ଜିଆଣ୍ଟ୍ସ ବିପକ୍ଷରେ ଏହି ସଫଳତାର ପାଇଥିଲେ।
ଓ୍ବାଟସନ ୧୯୭୯ରେ ବୋଷ୍ଟନ, ୧୯୮୦-୮୨ ମଧ୍ୟରେ ୟାନ୍କିଜ୍, ୧୯୮୨-୮୪ ମଧ୍ୟରେ ଆଟଲାଣ୍ଟା ବ୍ରେଭ୍ସ ତରଫରୁ ଖେଳିଥିଲେ। ଅବସର ଗ୍ରହଣ କରିବା ପରେ ଓ୍ବାଟସନ୍ କୋଚିଂ ଦେବା ଆରମ୍ଭ କରିଥିଲେ। ତାଙ୍କ ତତ୍ତ୍ୱାବଧାନରେ ୧୯୮୮ରେ ଓକ୍ଲାଣ୍ଡ ଆଥଲେଟିକ୍ସ ଆମେରିକାନ ଲିଗ୍ ପିନାଣ୍ଟ ଜିତିଥିଲା। ଦ୍ୱିତୀୟ କୃଷ୍ଣକାୟ ଜେନେରାଲ ମ୍ୟାନେଜର ଭାବେ ସେ ସେ ମେଜର ଲିଗ୍ ଇତିହାସରେ ଆଷ୍ଟ୍ରୋସ୍ ପାଇଁ ୧୯୯୩ରେ କାର୍ଯ୍ୟକରିବାର ସୁଯୋଗ ହାସଲ କରିଥିଲେ। ୧୯୯୫ରେ ଓ୍ବାଟସନ ୟାନକିଜ୍ ପାଇଁ କାର୍ଯ୍ୟ କରିବାର ସୁଯୋଗ ପାଇଥିଲେ ଓ ୧୯୯୬ ଦଳକୁ ବିଶ୍ୱ ସିରିଜ ବିଜେତା କରାଇଥିଲେ। ୧୯୯୭ ପରେ ସେ ୟାନକିଜ୍ରୁ ଅବସର ଘୋଷଣା କରିଥିଲେ। ପରେ ସେ ମେଜର ଲିଗ ବାସ୍କେଟବଲ୍ର ଉପ- ସଭାପତି ଭାବେ ସଫଳତାର ସହ କାର୍ଯ୍ୟ କରିଥିଲେ।