ବିଶାଖାପାଟଣା,୬।୧୦: ପାଖାପାଖି ବର୍ଷେ ପରେ ଟେଷ୍ଟ କ୍ରିକେଟକୁ ଫେରିଥିବା ରବିଚନ୍ଦ୍ରନ ଅଶ୍ୱିନ ଇତିହାସ ରଚିଛନ୍ତି। ବିଶାଖାପାଟଣାରେ ଚାଲିଥିବା ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ଟେଷ୍ଟର ଶେଷ ଦିନରେ ଡି ବ୍ରାଏନ୍ଙ୍କ ଉଇକେଟ ନେଇ ଟେଷ୍ଟରେ ଦ୍ରୁତତମ ୩୫୦ ଉଇକେଟ ନେବାରେ ସେ ଶ୍ରୀଲଙ୍କାର ମୁଥିଆ ମୁରଲୀଧରନଙ୍କ ରେକର୍ଡ ସହ ସମକକ୍ଷ ହୋଇଛନ୍ତି। ଅଶ୍ୱିନ ୬୬ଟି ମ୍ୟାଚ୍ ଖେଳି ଏହି ଉପଲବ୍ଧି ହାସଲ କରିଛନ୍ତି। ୨୦୦୧ ବାଲାଂଦେଶ ବିପକ୍ଷରେ ମୁରଲୀଧରନ ନିଜ ୬୬ ତମ ମ୍ୟାଚ୍ରେ ଏହି କୀତ୍ତିମାନ ହାସଲ କରିଥିଲେ। ଏହାସହ ଅଶ୍ୱିନ ଅନିଲ କୁମ୍ବଲେଙ୍କ ରେକର୍ଡ ମଧ୍ୟ ଭାଙ୍ଗିଛନ୍ତି। ପୂର୍ବରୁ କୁମ୍ବଲେ ୭୭ଟି ମ୍ୟାଚ୍ ଖେଳି ୩୫୦ଟି ଉଇକେଟ ନେଇଥିଲେ।