ସାଲାଡ୍ ସ୍ବାସ୍ଥ୍ୟ ପାଇଁ ବେଶ୍ ଉପକାରୀ ସାବ୍ୟସ୍ତ ହୋଇଥାଏ। ସାଲାଡ୍ରେ ବିଭିନ୍ନ ଭିଟାମିନ୍, ଫୋଲିକ୍ ଏସିଡ୍, କ୍ୟାଲସିୟମ, ମ୍ୟାଗ୍ନେସିୟମ, ଲୌହ ଓ ପୋଟାସିୟମ ଭଳି ପୁଷ୍ଟିକର ଉପାଦାନ ରହିଥାଏ। ଯାହା ଶରୀରର ରୋଗ ପ୍ରତିରୋଧକ ଶକ୍ତିକୁ ବଢ଼ାଇବା ସହିତ ହାଡ଼କୁ ମଜଭୁତ ରଖିଥାଏ। ଅଷ୍ଟିଓପୋରୋସିସ୍ ନ ହେବାପାଇଁ ପ୍ରତିଦିନ ସାଲାଡ୍ ଖାଇବା ଆବଶ୍ୟକ ବୋଲି ଚିକିତ୍ସକ ପରାମର୍ଶ ଦେଇଥାନ୍ତି । ଶରୀରରେ କ୍ୟାଲସିୟମସ୍ତର କମ୍ ହୋଇଯାଇଥିଲେ ସାଲାଡ୍ ଖାଇବା ଦ୍ୱାରା ବିଶେଷ ଉପକାର ମିଳେ। ପ୍ରତିଦିନ ସାଲାଡ୍ ଖାଇବା ଦ୍ୱାରା ଶରୀରକୁ ତନ୍ତୁ ଜାତୀୟ ଖାଦ୍ୟ ଉପଯୁକ୍ତ ମାତ୍ରାରେ ଯାଇଥାଏ। ଫଳରେ ମେଦବହୁଳତା ହେବାର ଆଶଙ୍କା ହ୍ରାସ ପାଇଥାଏ। ଡାଇବେଟିସ୍ ରୋଗୀଙ୍କ ସାଲାଡ୍ ଅତ୍ୟନ୍ତ ଉପଯୋଗୀ ବୋଲି ଚିକିତ୍ସକ ପରାମର୍ଶ ଦେଇଥାନ୍ତି। ସାଲାଡ୍ ଖାଇବା ଦ୍ୱାରା ଶରୀରରେ କୋଲେଷ୍ଟରଲ୍ ମାତ୍ରା କମିଥାଏ। ଫଳରେ ହାର୍ଟ ଆଟାକ୍ ଆଶଙ୍କା କମ୍ ହୋଇଥାଏ।