ସିଡ୍ନୀ,୧୯।୧୨: ଅଷ୍ଟ୍ରେଲିଆରେ ମରୁଡ଼ି ସ୍ଥିତି ସୃଷ୍ଟି ହୋଇଛି। ଦକ୍ଷିଣ ଅଞ୍ଚଳରେ ତାପମାତ୍ରା ୫୦ ଡିଗ୍ରୀ ସେଲସିୟସ୍ ଟପିଛି। ପ୍ରବଳ ଗରମ ଯୋଗୁ ନ୍ୟୁସାଉଥ୍ ଓ୍ବେଲସ୍ରେ ଜରୁରୀକାଳୀନ ପରିସ୍ଥିତି ଘୋଷଣା କରାଯାଇଛି। ଘଣ୍ଟାପ୍ରତି ୬୦ କିମି ବେଗରେ ଗରମ ପବନ ବହିବାରୁ ସ୍ଥିତି ସଙ୍କଟ ଜନକ ହେବାରେ ଲାଗିଛି। ସମ୍ପ୍ରତି ନ୍ୟୁସାଉଥ୍ ଓ୍ବେଲସ୍ରେ ଚୋର ୩ ଲକ୍ଷ ଲିଟର ପାଣିଥିବା ୨ଟି ଟ୍ୟାଙ୍କର ଚୋରି କରିଛନ୍ତି। ସ୍ଥାନୀୟ ପୋଲିସ ପକ୍ଷରୁ ଟ୍ୟାଙ୍କରର ସନ୍ଧାନ ଜାରି ରହିଛି।