ଯୋଡ଼ା, ୧୯।୪ (ଡି.ଏନ.ଏ.)-କରୋନା ମହାମାରୀର ମୁକାବିଲା ପାଇଁ ସରକାର ଦେଶରେ ଲକଡାଉନ୍ ଘୋଷଣା କରିଛନ୍ତି। ଏହି ଲକଡାଉନ୍ ନିୟମାନୁଯାୟୀ ଲୋକେ ନିଜ ଜୀବିକାରୁ ବଞ୍ଚିତ ରହି ଘରେ ରହୁଛନ୍ତି। ଏହି କାରଣରୁ ସରକାରଙ୍କ ପକ୍ଷରୁ ଗରିବ , ଅସହାୟ ଓ ନିରାଶ୍ରୟ ଲୋକମାନଙ୍କୁ ରନ୍ଧା ଖାଦ୍ୟ, ରାଶନ ସାମଗ୍ରୀ ଯୋଗାଇ ଦିଆଯାଉଛି ା କେନ୍ଦୁଝର ଜିଲା ଯୋଡା ବ୍ଲକ ଚମକପୁର ପଞ୍ଚାୟତର ଧୋବାକୁଚୁଡା ଗ୍ରାମରେ ପଞ୍ଚାୟତ ପକ୍ଷରୁ ୨୩ ଜଣ ଅସହାୟ ଗରିବଙ୍କୁ ରନ୍ଧା ଖାଦ୍ୟ ଦିଆଯାଇଥିଲା। ମାତ୍ର ଗତ ୧୫ ଏପ୍ରିଲ ଠାରୁ ଏହି ରନ୍ଧା ଖାଦ୍ୟ ଦେବା ବନ୍ଦ କରିଦିଆଯାଇଥିଲା। ଫଳରେ ଉକ୍ତ ୨୩ ଜଣ ଭୋକ ଉପାସରେ ଥିଲେ। ଏହି ଖବର ପାଇ ଯୋଡା ଆରଏସଏସ୍ର କର୍ମକର୍ତ୍ତା ଶୁକ୍ରବାର ଧୋବାକୁଚୁଡା ଗ୍ରାମରେ ପହଞ୍ଚି ୨୪ ଜଣ ଗରିବ ଅସହାୟଙ୍କୁ ୫ କେଜି ଚାଉଳ, ୧କେଜି ଡାଲି, ୧କେଜି ଆଳୁ , ୨୪ ପ୍ୟାକେଟ୍ ଲୁଣ ସେମାନଙ୍କୁ ପ୍ରଦାନ କରିଥିଲେ। ଏହା ପୂର୍ବରୁ ଆରଏସଏସର ସଦସ୍ୟ ଗଣ ସେମାନଙ୍କୁ ଲକଡାଉନ୍ ନିୟମ ପାଳନ କରିବା, ସାମାଜିକ ଦୂରତା ରକ୍ଷା କରିବା , ସାବୁନ୍ ଓ ସାନିଟାଇଜରରେ ହାତ ଧୋଇବା ନେଇ ସଚେତନ କରାଯାଇଥିଲା। ଏହି କାର୍ଯ୍ୟକ୍ରମରେ ଯୋଡା ଆରଏସ୍ଏସ୍ ଶାଖାର ସଦସ୍ୟ ପିଣ୍ଟୁ ସିଂ, ଅଗନୁ ଚରଣ ମହାନ୍ତ, ଚନ୍ଦନ ଗୁପ୍ତା, ଆନନ୍ଦ ବାରିକ ପ୍ରମୁଖ ଉପସ୍ଥିତ ଥିଲେ।
