ବଳଙ୍ଗା, ୧୯ା୫(ଡି.ଏନ୍.ଏ.)-ପ୍ରଳଙ୍କରୀ ବାତ୍ୟା ଫନୀରେ ସର୍ବାଧିକ କ୍ଷତିଗ୍ରସ୍ତ ହୋଇଛି ପୁରୀ ଜିଲା। ବାତ୍ୟାରେ ନିଜର ସର୍ବସ୍ବ ହରାଇ ବେସାହାରା ହୋଇପଡ଼ିଛନ୍ତି ଲକ୍ଷ ଲକ୍ଷ ଲୋକ। ବାତ୍ୟାକୁ ୧୬ଦିନ ବିତିଥିଲେ ବି ଅନେକଙ୍କ ପାଖରେ କୌଣସି ସରକାରୀ ସହାୟତା ପହଞ୍ଚତ୍ ପାରିନାହିଁ। ଲୋକଙ୍କ ଏପରି ଦୁର୍ଦ୍ଦିନରେ ସହାୟତାର ହାତ ବଢ଼ାଇଛନ୍ତି ଭୁବନେଶ୍ୱରର କେତେଜଣ ଉତ୍ସାହୀ ଯୁବକ। ସମୁତ୍କର୍ଷ ନାମରେ ପରିଚିତ ଏହି ସଂଗଠନର କର୍ମକର୍ତ୍ତାମାନେ ନିମାପଡ଼ା ବ୍ଲକର ବଳଙ୍ଗା ଥାନା ଅନ୍ତର୍ଗତ କୋହ୍ଲଣ ଓ ଚକ୍ରକୁଦରେ ଶନିବାର ପହଞ୍ଚତ୍ ବିପନ୍ନମାନଙ୍କୁ ସପ ଓ ମଶାରି ବାଣ୍ଟିଥିଲେ। ବାତ୍ୟା ପରେ ସରକାରୀ ସହାୟତାକୁ ଚାହିଁ ବସିଥିବା ବିପନ୍ନ ପରିବାର ଏହାକୁ ପାଇ ସନ୍ତୋଷ ପ୍ରକାଶ କରିବା ସହ ଯୁବକମାନଙ୍କୁ ଆଶୀର୍ବାଦ କରିଥିଲେ। ଯୁବକମାନେ ନିଜ ଖର୍ଚ୍ଚରେ ପ୍ରାୟ ୧୦୦ଟି ପରିବାରଙ୍କ ପାଇଁ ଆବଶ୍ୟକ ସାମଗ୍ରୀ ସଂଗ୍ରହ କରିଥିଲେ। କେବଳ ସେଠି ନୁହେଁ ବାତ୍ୟା ପରେ ଏହି ସଂଗଠନର କର୍ମକର୍ତ୍ତାମାନେ ଭୁବନେଶ୍ୱରରେ ମଧ୍ୟ ସେବା କାର୍ଯ୍ୟ ଜାରି ରଖିଛନ୍ତି। ଏଥିରେ ଦେବୀପ୍ରସାଦ ମହାପାତ୍ର, ସତ୍ୟଜିତ୍ ବିଶ୍ୱାଳ, ସଚ୍ଚିଦାନନ୍ଦ ଦାଶ, ଶିବାନନ୍ଦ ଦଳାଇ, ଶିବନାରାୟଣ ଦାଶ, ହରେକୃଷ୍ଣ ପ୍ରମୁଖ ସାମିଲ ହୋଇଥିଲେ।
