କୋଭିଡ-୧୯କୁ ଏଡ଼ାଇବା ଓ ସଂକ୍ରମଣକୁ ରୋକିବା ପାଇଁ ସାରା ଦେଶରେ ଲକଡାଉନ୍ ଜାରିରହିଛି। ସାରା ଦେଶରେ ଏବେ ୭ ଶହରୁ ଉର୍ଦ୍ଧ୍ବ ସଂକ୍ରମିତ ଚିହ୍ନଟ ହୋଇସାରିଥିବା ବେଳେ ଭୁବନେଶ୍ୱର ରେଳ ଷ୍ଟେସନରେ ଲକଡାଉନର କରୁଣ ଚିତ୍ର ଦେଖିବାକୁ ମିଳିଛି। ପ୍ରାୟ ୩ ଶହରୁ ଉର୍ଦ୍ଧ୍ବ ଲୋକ ମାଷ୍ଟରକ୍ୟାଣ୍ଟିନ ବସଷ୍ଟାଣ୍ଡରେ ଏକତ୍ରିତ ହୋଇ ବସବାସ କରୁଥିବାର ନଜରକୁ ଆସିଛି, ନା ଅଛି ସାମାଜିକ ଦୂରତ୍ୱ, ନା ଅଛି ଅନ୍ୟ କିଛି କଟକଣା। ଏମିତି କରୁଣ ଦୃଶ୍ୟକୁ କଏଦ କରିଛି ‘ଧରିତ୍ରୀ ଲାଇଭ’ ଟିମ ଯାହା ରାଜଧାନୀବାସୀଙ୍କୁ ଦୁଃଖ ଦେବା ସହ ଚିନ୍ତା ବଢ଼ାଇ ଦେଇଛି।
