ବରଗଡ଼ ଅଫିସ,୨୦।୧: ବରଗଡ଼ ଜିଲା ଭଟଲି ବ୍ଲକ ଅନ୍ତର୍ଗତ ଚୋରଗ୍ରୀଣ୍ଡୋଲା ଗ୍ରାମରେ ଅସହାୟ ଅବସ୍ଥାରେ ବୁଲୁଥିବା ଜଣେ ନାବାଳିକାଙ୍କୁ ସୋମବାର ଉଦ୍ଧାର କରାଯାଇଛି । ସ୍ବେଚ୍ଛାସେବୀ ଅନୁଷ୍ଠାନ ନିଷ୍ଠା ପରିବାରର଼ ସମ୍ପାଦକ ଅଶ୍ବିନୀ ତ୍ରିପାଠୀ ଗ୍ରାମବାସୀଙ୍କଠାରୁ ଏ ନେଇ ସୂଚନା ପାଇଥିଲେ। ପରେ ସେ ଜିଲା ଶିଶୁ ମଙ୍ଗଳ ସମିତିକୁ ଖବର ଦେଇଥିଲେ। ଖବରପାଇ ଚାଇଲ୍ଡ ଲାଇନ୍ ସଦସ୍ୟମାନେ ସେଠାକୁ ଯାଇ ନାବାଳିକାଙ୍କୁ ଜିଲା ଶିଶୁ ମଙ୍ଗଳ ସମିତିକୁ ଆଣିଥିଲେ। ତେବେ ନାବାଳିକା ଜଣକ କିଛି କହିପାରୁ ନ ଥିବା ତଥା ନୀରବ ରହୁଥିବା ଯୋଗୁ ତାଙ୍କ ପରିଚୟ ମିଳି ପାରି ନାହିଁ। ତାଙ୍କୁ ଚିକିତ୍ସା ଲାଗି ଜିଲା ଶିଶୁ ସୁରକ୍ଷା ୟୁନିଟ୍ ଏବଂ ଜିଲା ଶିଶୁ ମଙ୍ଗଳ ସମିତିର ପରାମର୍ଶକ୍ରମେ ଚାଇଲ୍ଡ ଲାଇନ ଓ ସଖୀ ସଂସ୍ଥାର ସଦସ୍ୟମାନେ ଭିମସାର, ବୁର୍ଲା ଡାକ୍ତରଖାନାକୁ ନେଇଛନ୍ତି।