କୋକସରା, ୧୩।୬ (ଡି.ଏନ.ଏ)-କଳାହାଣ୍ଡି ଜିଲା କୋକସରା ବ୍ଲକ ଲଡୁଗାଁ ପଞ୍ଚାୟତର ଭିର୍କାପଡାରେ ରହୁଥିବା ବୃଦ୍ଧ ଡମ୍ବରୁଧର ସେଠୀ ଦମ୍ପତି ଅତି ଅସହାୟ ସ୍ଥିତିରେ ଭଙ୍ଗା ଦଦରା କୁଡ଼ିଆରେ ରହୁଥିବା ବେଳେ ଆହା କରିବାକୁ କେହି ନାହାଁନ୍ତି । ବଳ ବୟସ ଥିବା ସମୟରେ ସେ ନିଜର କୌଳିକ ବୃତ୍ତି କରି ପେଟପଟଣା କରି ଚଳି ଯାଉଥିଲେ । ଗତ ୨ ମାସ ହେବ ଡମ୍ବରୁଙ୍କ ସ୍ବାସ୍ଥ୍ୟ ଖରାପ ହେବା ସହ ସେ ଶଯ୍ୟାଶାୟୀ ହୋଇ ପଡିରହିଲେ । ତାଙ୍କ ସ୍ତ୍ରୀ ପାଖ ପଡ଼ୋଶୀଙ୍କ ଠାରୁ ମାଗି ଯାଚି ଚଳୁଥିଲେ। କିଛି ଦିନ ତଳେ ଡମ୍ବରୁଙ୍କ ଅସହାୟତାକୁ ନେଇ ଗଣମାଧ୍ୟମରେ ଖବର ପ୍ରକାଶିତ ହେବା ପରେ ଉକ୍ତ ଅସହାୟ ଦମ୍ପତିଙ୍କ ଉପରେ ପ୍ରଶାସନର ଦୃଷ୍ଟି ପଡିଥିଲା। କୋକସରା ବିଡ଼ିଓ ମନୀଷା ଦାସ ଏକ ମେଡ଼ିକାଲ ଟିମ୍ ପଠାଇ ଡମ୍ବରୁଙ୍କ ଚିକିତ୍ସା ପାଇଁ ଭବାନୀପାଟଣାକୁ ପଠାଇଥିଲେ। କୋକସରା ବ୍ଲକ ପ୍ରଶାସନର ନିର୍ଦେଶ କ୍ରମେ ଲଡୁଗାଁ ସରପଞ୍ଚ କହ୍ନେଇ ଚରଣ ଦାସ ଶନିବାର ଡମ୍ବରୁଙ୍କ ଘରେ ପହଞ୍ଚତ୍ ତିନି ମାସର ଭତ୍ତା ବାବଦକୁ ୧୫୦୦ ଟଙ୍କା ଦେବା ସହିତ ଆବାସ ଯୋଜନାରେ ଘର ଦେବାକୁ ପ୍ରତିଶ୍ରୁତି ଦେଇଛନ୍ତି ।
