ବରଗଡ଼ ଅଫିସ,୨୧।୨: ବରଗଡ଼ ଜୀରାନଦୀ କୂଳେ ରହିଥିବା ସ୍ବର୍ଗଦ୍ୱାରରେ ଶୁକ୍ରବାର ସ୍ଥାନୀୟ ସ୍ବେଚ୍ଛାସେବୀମାନେ ଜଣେ ଅସହାୟ ବୃଦ୍ଧଙ୍କ ମୃତଦେହ ସତ୍କାର କରିଛନ୍ତି । ଗତ ୧୮ତାରିଖ ବରଗଡ଼ ଭଟଲି ରୋଡ ଛକରୁ ଜଣେ ବୃଦ୍ଧ ରିକ୍ସା ଚାଳକଙ୍କୁ ସ୍ଥାନୀୟ ପୁରୁଣା ଜିଲା ମୁଖ୍ୟ ଡାକ୍ତରଖାନାକୁ ଆଣିଥିଲେ। ମୃତ ବୃଦ୍ଧଙ୍କ ପରିଚୟ ମିଳି ନ ଥିବା ଯୋଗୁ ଡାକ୍ତରଖାନା ମୃତଦେହ ସଂରକ୍ଷଣ ଗୃହରେ ରଖାଯାଇଥିଲା। ଉଦ୍ଧାର ହେବାର ୭୨ ଘଣ୍ଟା ପରେ ମଧ୍ୟ ପରିଚୟ ନ ମିଳି ନଥିଲା। ଏ ନେଇ ସୂଚନା ପାଇବା ପରେ ସ୍ଥାନୀୟ ନିଷ୍ଠା ପରିବାରର ସ୍ବେଚ୍ଛାସେବୀ ବିକାଶ ଅଗ୍ରୱାଲ ଓ ଅନ୍ୟ ସହକର୍ମୀମାନେ ପୁରୁଣା ଡାକ୍ତରଖାନାରୁ ମୃତଦେହ ନେଇ ଦାହ କରିଥିଲେ। ସ୍ବେଚ୍ଛାସେବୀଙ୍କ ଏଭଳି ସେବାକୁ ବିଭିନ୍ନ ମହଲରେ ପ୍ରଶଂସା କରାଯାଇଛି।