ବଲାଙ୍ଗୀର ଅଫିସ, ୧୬ା୫-ବଲାଙ୍ଗୀର ଜିଲା ସଇଁତଲା ବ୍ଲକ ଡ଼େଙ୍ଗ ଉନ୍ନୀତ ଉଚ୍ଚ ବିଦ୍ୟାଳୟରେ ନିର୍ମିତ ଅସ୍ଥାୟୀ ସଙ୍ଗରୋଧ କେନ୍ଦ୍ରରେ ନିଆଁ ଲାଗି ବ୍ୟାପକ କ୍ଷତି ହୋଇଛି। ଶନିବାର ଅପରାହ୍ନ ପ୍ରାୟ ୪ଟାରେ କେନ୍ଦ୍ରରେ ହଠାତ୍ ନିଆଁ ଲାଗ ପାଣି ଉଠାଇବା ମୋଟର, ବିଦ୍ୟୁତ୍ ବୋର୍ଡ଼, ୱେୟାରିଂ ତାର ସହ ସ୍କୁଲର ବହୁ କାଗଜପତ୍ର ଜଳିିଯାଇଛି। ଉକ୍ତ କେନ୍ଦ୍ରରେ ଥିବା ୧୨ଜଣ ପ୍ରବାସୀ ଅନ୍ୟ ଏକ କୋଠରୀରେ ରହୁଥିବାରୁ ଏକ ବଡ଼ ଧରଣର ଦୁର୍ଘଟଣାରୁ ବର୍ତ୍ତିଯାଇଛନ୍ତି। ଅଗ୍ନିଶମ ବିଭାଗ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ କରିଥିଲେ। ଖବର ପାଇ ସଙ୍ଗରୋଧ କେନ୍ଦ୍ରର ନୋଡ଼ାଲ ଅଧିକାରୀ ଅକ୍ଷୟ ମହାନ୍ତି, ସରପଞ୍ଚ ଜେମାମଣୀ ମଲ୍ଲିକ, ନିର୍ବାହୀ ଅଧିକାରୀ ଖଗେଶ୍ୱର କମ୍ପ ଘଟଣାସ୍ଥଳରେ ପହଞ୍ଚି ଥିଲେ।