ବଅଁରପାଳ,୩୦ା୫(ଡି.ଏନ୍.ଏ.): ନାଲ୍କୋ ଡିପିଏସ୍ ଅଧ୍ୟକ୍ଷ ଓ ତାଙ୍କ ପୁଅ କୋଭିଡ୍-୧୯ ପାଇଁ ଜାରି ନିୟମକୁ ଉଲ୍ଲଂଘନ କରିଥିବା ଅଭିଯୋଗ ହୋଇଥିଲା। ଅଧ୍ୟକ୍ଷ ବିକେ ମିଶ୍ରଙ୍କ ପୁଅ ଗତ ୨୫ ତାରିଖରୁ ଅହମ୍ମଦାବାଦରୁ ଅନୁଗୋଳ ଆସି ନାମ ପଞ୍ଜୀକରଣ କରି ନ ଥିବା ବେଳେ କ୍ୱାରାଣ୍ଟାଇନ୍ରେ ମଧ୍ୟ ରହି ନ ଥିଲେ। ୩ ଦିନ ହେଲା ଅଧ୍ୟକ୍ଷଙ୍କ କ୍ୱାର୍ଟର୍ସରେ ତାଙ୍କ ପୁଅ ଲୁଚି ଥିବା ନେଇ ନାଲ୍କୋ ପ୍ରଶାସନ ପକ୍ଷରୁ ଖୋଳତାଡ଼ କରାଯାଇ ନାଲ୍କୋ ଥାନାରେ ଅଭିଯୋଗ ହୋଇଥିଲା। ତେବେ ଶନିବାର ଅଧ୍ୟକ୍ଷ ମିଶ୍ର ଓ ତାଙ୍କ ପୁଅ ନାଲ୍କୋ ହସ୍ପିଟାଲକୁ ଆସି ପଞ୍ଜୀକରଣ ସହ ସ୍ବାସ୍ଥ୍ୟ ପରୀକ୍ଷା ପାଇଁ ଆସିଥିବା ହସ୍ପିଟାଲ ସୂତ୍ରରୁ ଜଣାପଡ଼ିଛି। ସେମାନଙ୍କୁ ନାଲ୍କୋର ଜଣେ ଅଧିକାରୀ ହସ୍ପିଟାଲ ପରିସରରେ ଜଗିରହିଛନ୍ତି।