ନୂଆଦିଲ୍ଲୀ,୧୨ା୧୦(ପି.ଟି.): ଜାଲ୍ କାଗଜପତ୍ର ଦେଇ ୟୁପିଏସ୍ସି ପରୀକ୍ଷାରେ ପାସ୍ କରିଥିବା ଭାରତୀୟ ରାଜସ୍ବ ସେବା (ଆଇଆର୍ଏସ୍)ର ଜଣେ ଅଧିକାରୀଙ୍କ ବିରୋଧରେ ମାମଲା ରୁଜୁ ହୋଇଛି। ସୀମାଶୁଳ୍କ ଓ କେନ୍ଦ୍ରୀୟ ଉତ୍ପାଦ ଶୁଳ୍କ ଅଫିସର ଥିବା ୨୦୦୭ ବ୍ୟାଚ୍ର ଆଇଆର୍ଏସ୍ ନବନୀତ କୁମାର ତାଙ୍କଠାରୁ ୫ ବର୍ଷ ସାନ ଜଣେ ବ୍ୟକ୍ତିଙ୍କ ପରିଚୟ ଦେଇ ୟୁପିଏସ୍ସି ପରୀକ୍ଷା ଦେଇଥିଲେ। ତାଙ୍କର ପ୍ରକୃତ ନାମ ରାଜେଶ କୁମାର ଶର୍ମା। ୨୦୦୭ରେ ୟୁପିଏସ୍ସି ପରୀକ୍ଷା ଦେବା ଲାଗି ତାଙ୍କର ବୟସ ଅତିକ୍ରାନ୍ତ ହୋଇଯାଇଥିବାରୁ ସେ ତାଙ୍କ ନାଁ ବଦଳାଇ ନବନୀତ ନାଁରେ ପ୍ରମାଣପତ୍ର ପ୍ରସ୍ତୁତ କରିଥିଲେ। ନବନୀତଙ୍କ ଜନ୍ମତାରିଖ ୧୯୮୦ ଜୁନ୍ ୧୫ ହୋଇଥିବାବେଳେ ସେ ୧୯୯୬ରେ ମାଟ୍ରିକ୍ ଓ ୨୦୦୮ରେ ସ୍ନାତକ ପାସ୍ କରିଥିଲେ। ଅନ୍ୟପକ୍ଷରେ ରାଜେଶ ୧୯୯୧ରେ ମାଟ୍ରିକ ପାସ୍ କରିଥିଲେ। ଯାଞ୍ଚ ବେଳେ ରାଜେଶ ନିଜକୁ ନବନୀତ ଭାବେ ପରିଚିତ କରାଇଥିବା ଜଣାପଡିଥିଲା।
