କାବୁଲ,୧୯।୮: ଆଫଗାନିସ୍ତାନ ରାଜଧାନୀ କାବୁଲରେ ବଡ ଧରଣର ଆତଙ୍କବାଦୀ ଆକ୍ରମଣ ପରେ ରାଷ୍ଟ୍ରପତି ଅଶରଫ ଘାନି ଆଇଏସ୍ ଆତଙ୍କବାଦୀଙ୍କ ସମସ୍ତ ସୁରକ୍ଷିତ ଶିବିରକୁ ଧ୍ୱଂସ କରିବାକୁ ଶପଥ ନେଇଛନ୍ତି। ସେ କହିଛନ୍ତି କୌଣସି ବି ସ୍ଥିତିରେ ଆଫଗାନିସ୍ତାନକୁ ଆତଙ୍କବାଦୀଙ୍କ ସ୍ବର୍ଗ କରିବାକୁ ଦିଆଯିବ ନାହିଁ। ସୂଚନାଯୋଗ୍ୟ, ରବିବାର ଆଫଗାନିସ୍ତାନରେ ବଡ ଧରଣର ଆତଙ୍କବଦାଦୀ ଆକ୍ରମଣ ହେବା ପରେ ରାଷ୍ଟ୍ରପତି ଏହି ବୟାନ ଦେଇଛନ୍ତି। ଦେଶରେ ଶହେ ତମ ସ୍ବାଧୀନତା ଦିବସ ପାଳନ କରାଯାଉଥିବା ସମୟରେ ଆତଙ୍କବାଦୀମାନେ ଏହି ଆକ୍ରମଣ କରିଥିଲେ। ଏଥିରେ ଅତିକମ୍ରେ ୬୩ ଜଣଙ୍କ ମୃତ୍ୟୁ ହୋଇଥିଲା। ଏବେ ପ୍ରଶ୍ନ ଉଠିଛି କି ଆମେରିକା ସେନା ଫେରି ଆସିବା ପରେ ଦେଶରେ ଶାନ୍ତି ଓ ସୁରକ୍ଷାରେ ଏହି ବ୍ୟତିକ୍ରମ ଦେଖାଦେଇଛି କି।