ନୂଆଦିଲ୍ଲୀ,୨୮।୪: ଏବେ କୋଭିଡ୍ ସ୍ଥିତି ସୁଧୁରି ନ ଥିବା ବେଳେ ଲକ୍ଡାଉନ ଉଠିଲେ ମଧ୍ୟ ଆଇଟି ଶିଳ୍ପରେ ଓ୍ବାର୍କଫ୍ରମ୍ ହୋମ ସ୍ଥିତି ଜାରି ରହିପାରେ। ଲକ୍ଡାଉନ ଉଠିଲେ ମଧ୍ୟ ଆଇଟି ଶିଳ୍ପର ପ୍ରାୟ ୧୦ ଲକ୍ଷ କର୍ମଚାରୀ ଘରୁ କାମ କରିପାରନ୍ତି ବୋଲି ଆଇଟି ଶିଳ୍ପ ବିଶେଷଜ୍ଞ କ୍ରିସ୍ ଗୋପାଳ କ୍ରିଷ୍ଣନ ସୂଚନା ଦେଇଛନ୍ତି। ସେ କହିଛନ୍ତି ଯେ, ବର୍ତ୍ତମାନ ୯୦ରୁ ୯୫% କର୍ମଚାରୀ ଏବେ ଘରୁ କାମ କରୁଛନ୍ତି। ଘରୁ କାମ କରିବାର ସ୍ଥିତି ଠିକ୍ ହେବାକୁ ଯାଉଛି। କାମ ଚାଲୁ ରଖିବା ନେଇ କମ୍ପାନୀଗୁଡିକର ଏହି ଧାରାକୁ ନେଇ କୌଣସି ଆପତ୍ତି ନାହିଁ। ଆଗାମୀ ଦିନରେ ବାଣିଜି୍ୟକ ଯୋଜନା, ପ୍ରୋସେସିଂ କ୍ଷେତ୍ରରେ ଏହା ଏକ ପ୍ରମୁଖ ଭୂମିକା ଗ୍ରହଣ କରିବାକୁ ଯାଉଛି। ଲୋକମାନେ ଘରେ ଟେକ୍ନୋଲୋଜି ଭିତ୍ତିଭୂମି ଗ୍ରହଣ କରିବା ଆରମ୍ଭ କରିଦେଇଛନ୍ତି। କ୍ଲାଏଣ୍ଟଙ୍କଠାରୁ ଅନୁମତି ନେବା ସହ ବାଣିଜି୍ୟକ ଧାରାରେ ଏବେ ପରିବର୍ତ୍ତନ ଦେଖାଯାଇଛି ବୋଲି ସେ ମତବ୍ୟକ୍ତ କରିଛନ୍ତି।
