ଚନ୍ଦ୍ରଗିରିି,୧ା୧୦(ଡି.ଏନ.ଏ.)-ଗଜପତି ଜିଲା ମୋହନା ବ୍ଲକ ଚନ୍ଦ୍ରଗିରି, ଅଡ଼ବା ଓ ପି.ଗୋବିନ୍ଦପୁର ପଞ୍ଚାୟତରେ ରବିବାର ଗ୍ରାମୀଣ ଆଇନ ସେବାକେନ୍ଦ୍ର ଗଜପତି ଜିଲା ଦୌରା ଜଜ୍ ତଥା ଡିଏଲଏସଏ ଅଧ୍ୟକ୍ଷ ବିଶ୍ୱଜିତ ଦାସ ଉଦ୍ଘାଟନ କରିଥିଲେ। ଉତ୍ସବରେ ମୋହନା ଜେଏମଏଫସି କୋର୍ଟ ବିଚାରପତି ମନୋଜ କୁମାର ମହାନ୍ତି, ମୋହନା ବିଡିଓ ବଂଶୀଧର ଖୋସଲା ଉପସ୍ଥିତ ଥିଲେ। ସ୍ଥାନୀୟ ସରପଞ୍ଚ ନର୍ମଦା ଦଳାଇ, ଆଇନଜୀବୀ ସୀମାଞ୍ଚଳ କାର୍ଯୀ, ସନ୍ତୋଷ କୁମାର ପାଢ଼ୀ, ସୁଦର୍ଶନ ସାହୁ, ରବୀନ୍ଦ୍ର ନାୟକ, ରାଧାମୋହନ ସାହୁ, ବୈଦ୍ୟନାଥ ସିଙ୍ଗଙ୍କ ସମେତ ବରିଷ୍ଠ ଆଇନଜୀବୀମାନେ ଉପସ୍ଥିତ ଥିଲେ । ସମିତିସଭ୍ୟ ରାମଚନ୍ଦ୍ର ପୂଜାରୀ ଏବଂ ଗ୍ରାମର ପ୍ରମୁଖ ଭଦ୍ରବ୍ୟକ୍ତିମାନେ ଉପସ୍ଥିତ ଥିଲେ। ମୋହନା ଏକ ଆଦିବାସୀ ଅଧ୍ୟୁଷିତ ଅଞ୍ଚଳ। ଏଠାରେ ଗ୍ରାମ୍ୟସ୍ତରରୁ କିଭଳି ସାଧାରଣ ଲୋକମାନେ ଆଇନ ସେବା ପାଇପାରିବେ, ଏହି କେନ୍ଦ୍ରର ମୁଖ୍ୟ ଉଦ୍ଦେଶ୍ୟ ବୋଲି ଜିଲା ଦୌରାଜଜ ଦାସ ବୁଝାଇଥିଲେ। କେନ୍ଦ୍ରରେ ଦୁଇଜଣ ଆଇନ ସହାୟତା କର୍ମୀଙ୍କ ସହ ଜଣେ ଆଇନଜୀବୀ ରହି ସାଧାରଣ ଲୋକ କିଭଳି ଆଇନ ସେବା ପାଇପାରିବେ, ସେ ନେଇ ସହଯୋଗ କରିବେ ବୋଲି ଜିଲା ଦୌରାଜଜ ଦାସ ସୂଚନା ଦେଇଥିଲେ।