ନୂଆଦିଲ୍ଲୀ,୨୮।୮: ଦେଶରେ ପ୍ରଚଳିତ ଭାରତୀୟ ପିଙ୍ଗଳ କୋଡ୍(ଆଇପିସି) ଏବଂ ଆପରାଧୀକ ପ୍ରଣାଳୀ କୋଡ୍(ସିଆର୍ପିସି)ରେ କେତେକ ପରିବର୍ତ୍ତନ କରାଯିବ ବୋଲି ବୁଧବାର ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ ସୂଚନା ଦେଇଛନ୍ତି। ଦିଲ୍ଲୀ ସ୍ଥିତି ବ୍ୟୁରୋ ଅଫ୍ ପୋଲିସ ରିସର୍ଚ୍ଚ ଆଣ୍ଡ୍ ଡେଭଲପ୍ମେଣ୍ଟ୍ର ୪୯ତମ ସ୍ଥାପନା ଦିବସରେ ଯୋଗଦେଇ ସେ ଏହା କହିଛନ୍ତି। ପୂର୍ବରୁ ଅପରାଧୀଙ୍କ ଉପରେ ଥାର୍ଡ ଡିଗ୍ରୀ ପ୍ରୟୋଗ କରାଯାଉଥିଲା। ମାତ୍ର ଏବେ ଏହା ପରିବର୍ତ୍ତେ ଅପରାଧ ଏବଂ ଅପରାଧୀଙ୍କ ମାନସିକତା ସମ୍ପର୍କରେ ଜାଣିବା ପାଇଁ ନ୍ୟାସନାଲ୍ ମୋଡୁସ୍ ଆପରେଣ୍ଡି ବ୍ୟୁରୋ ଗଠନ କରାଯିବ। ଏହାଦ୍ୱାରା ଅପରାଧୀଙ୍କ ମାନସିକତା ବିଷୟରେ ଅଧ୍ୟୟନ କରାଯାଇ ପାରିବ। ଏନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଏକ ପ୍ରସ୍ତାବ ଦିଆଯାଇଥିବା ଶାହ ସୂଚନା ଦେଇଛନ୍ତି। ଏହି ଅବସରରେ ଶାହ ଶ୍ରେଷ୍ଠ ସେବା ପାଇଁ ପୋଲିସ କର୍ମଚାରୀଙ୍କୁ ଗୋବିନ୍ଦ ବଲ୍ଲଭ ପନ୍ତ ପୁରସ୍କାର ପ୍ରଦାନ କରିଛନ୍ତି।
