ଲଣ୍ଡନ, ୧୯।୭: ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକର ଆଇସିସି ହଲ୍ ଅଫ୍ ଫେମ୍ରେ ସାମିଲ ହୋଇଛନ୍ତି। ତାଙ୍କ ସହ ଦକ୍ଷିଣ ଆଫ୍ରିକାର ମହାନ କ୍ରିକେଟର ଆଲାନ ଡୋନାଲ୍ଡ ଏବଂ ଅଷ୍ଟ୍ରେଲିଆର ପୂର୍ବତନ ମହିଳା ଖେଳାଳି କ୍ୟାଥରିନ୍ ଫିଟଜପ୍ୟାଟ୍ରିକଙ୍କୁ ମଧ୍ୟ ଏହି ସମ୍ମାନ ମିଳିଛି। ଗୁରୁବାର ଲଣ୍ଡନରେ ଆୟୋଜିତ ଏକ ସମାରୋହରେ ତିନି କ୍ରିକେଟ ଖେଳାଳିଙ୍କୁ ସମ୍ବର୍ଦ୍ଧିତ କରାଯାଇଥିଲା। ୬ଷ୍ଟ ଭାରତୀୟ ଖେଳାଳି ଭାବେ ସଚିନ ଆଇସିସି ହଲ୍ ଅଫ୍ ଫେମ୍ରେ ସାମିଲ୍ ହୋଇଛନ୍ତି। ତାଙ୍କ ପୂର୍ବରୁ ବିଶନ୍ ସିଂ ବେଦୀ, କପିଲ ଦେବ, ସୁନୀଲ ଗାଭାସ୍କର, ରାହୁଲ ଦ୍ରାବିଡ ଏବଂ ଅନୀଲ କୁମ୍ବଲେଙ୍କୁ ସାମିଲ କରାଯାଇଥିଲା।