ନୂଆଦିଲ୍ଲୀ,୧୮।୧୧: ରାଜଧାନୀ ଦିଲ୍ଲୀରେ ଏବେ ଆଉ ଆବଶ୍ୟକ ନାହିଁ ଅଡ୍-ଇଭିିନ୍ ନମ୍ବର। କାରଣ ଦିଲ୍ଲୀ ଆକାଶ ଏବେ ନିର୍ମଳ ଥିବା ସୋମବାର ପ୍ରକାଶ କରିଛନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲ। ତେବେ ଚଳିତ ବର୍ଷ ରାଜଧାନୀ ଦିଲ୍ଲୀର ବାୟୁ ପ୍ରଦୂଷଣ ସାଧାରଣ ଜୀବନଯାତ୍ରା ଉପରେ ଖୁବ୍ ପ୍ରଭାବ ପକାଇଛି। ଏଠାକାର ଏୟାର କ୍ୱାଲିଟି ଇଣ୍ଡେକ୍ସ ୬ରୁ ଊର୍ଦ୍ଧ୍ୱ ଥିବାରୁ ଲୋକେ ଅତିଷ୍ଠ ହୋଇ ପଡିଥିଲେ। ଏହାକୁ ନଜରରେ ରଖି ସରକାରଙ୍କ ପକ୍ଷରୁ ବିଭିନ୍ନ ପଦକ୍ଷେପ ନିଆଯାଇଥିଲା। ତେବେ ପ୍ରଦୂଷଣର ମାତ୍ରାକୁ କମ୍ କରିବାକୁ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲ ଅଡ୍-ଇଭିନ୍ ନମ୍ବର ଗାଡି ଚଲାଇବାକୁ ପରାମର୍ଶ ଦେଇଥିଲେ। ଏହା ମଧ୍ୟ ପାଖାପାଖି ୨ ସପ୍ତାହ ପାଇଁ ଲାଗୁ ହୋଇଥିଲା। ଏବେ ୨ ଦିନ ହେବ ଦିଲ୍ଲୀରେ ପ୍ରାୟ ୨୦ କିଲୋମିଟର ବେଗରେ ପବନ ବହିବା ଓ ମଝିରେ ସାମାନ୍ୟ ବର୍ଷା ହେବା ଫଳରେ ଏବେ ସେଠାକାର ଏୟାର କ୍ୱାଲିଟି ଇଣ୍ଡେକ୍ସ ୩ଶହକୁ ଖସି ଆସିଛି। ତେଣୁ ଲୋକେ ସାମାନ୍ୟ ଆଶ୍ୱସ୍ତି ଅନୁଭବ କରିଛନ୍ତି।