ରୋହିତ ଶେଟ୍ଟୀଙ୍କ ନିର୍ଦ୍ଦେଶିତ ଫିଲ୍ମ ‘ସୂର୍ଯ୍ୟବଂଶୀ’ର ଟ୍ରେଲର ଇତିମଧ୍ୟରେ ରିଲିଜ୍ ହୋଇଯାଇଛି। ଏଥିରେ ଖୀଲାଡି କିଙ୍ଗ୍ ଅକ୍ଷୟ କୁମାରଙ୍କୁ ଆକ୍ସନ ଅବତାରରେ ଦେଖିବାକୁ ମିଳୁଛି। ଫିଲ୍ମରେ ବହୁତ କମ୍ ବିଏଫ୍ଏକ୍ସର ବ୍ୟବହାର ହୋଇଥିବା ବେଳେ ନିଜେ ଅକ୍ଷୟ ଅଧିକାଂଶ ଷ୍ଟଣ୍ଟ ଦୃଶ୍ୟ କରିଛନ୍ତି। ଏ କଥା ନିଜେ ଅକ୍ଷୟ ଏବଂ ରୋହିତ କହିଛନ୍ତି। ଏହି ଫିଲ୍ମରେ କରିଥିବା ଷ୍ଟଣ୍ଟ ଦୃଶ୍ୟ ୨୦/୩୦ ବର୍ଷ ପୂର୍ବରୁ ମଧ୍ୟ ଅକ୍ଷୟ କରିସାରିଛନ୍ତି। ଏକ ସାକ୍ଷାତକାରେ ନିଜେ ସେ ଏହା କହିଛନ୍ତି। ଆହୁରି ମଧ୍ୟ ସେ କୁହନ୍ତି, ଷ୍ଟଣ୍ଟ କରିବା ତାଙ୍କର ପସନ୍ଦ। ଆଗକୁ ଆଉ ୪/୫ ବର୍ଷ ସେ ଏପରି କରିପାରିବେ। ମାତ୍ରାଧିକ ବୟସ ଯୋଗୁ ଆଗକୁ ସେ ଆଉ ଆକ୍ସନ କରିପାରିବେ ନାହିଁ ବୋଲି କୁହନ୍ତି।