ନବରଙ୍ଗପୁର,୮ା୧(ବି.ପ୍ର.) – କେନ୍ଦ୍ରର ଆକାଂକ୍ଷା ଯୋଜନାରେ ସାମିଲ ହୋଇଥିବା ଜିଲାମାନଙ୍କ ମଧ୍ୟରେ ନବରଙ୍ଗପୁର ଜିଲା ୩ୟ ସ୍ଥାନରେ ରହିଛି ା ଛତିଶଗଡ ରାଜ୍ୟର ସୁକମା ଜିଲା ପ୍ରଥମ, ଆସାମର ଉଦଲଗରି ଦ୍ୱିତୀୟ, ନବରଙ୍ଗପୁର ତୃତୀୟ, ରାଜସ୍ଥାନର ଜୟସଲମେର ୪ର୍ଥ ଓ ଛତିଶଗଡ ରାଜ୍ୟର ରାଜନନ୍ଦଗାଁଓ ୫ମ ସ୍ଥାନରେ ରହିଛି ା ଓଡିଶାର ନବରଙ୍ଗପୁର ଜିଲା ଏକ ଅନୁନ୍ନତ ଜିଲା ଭାବେ ରହିଛି ା ଜିଲାର ବିକାଶ ଧାରା ଓ ବିଭିନ୍ନ ବିଭାଗର ଉନ୍ନତି ଉପରେ ରହିଥିବା ତଥ୍ୟକୁ ଆଧାର କରି ଜିଲା ଆକାଂକ୍ଷା ଜିଲା ଭାବେ ରହିଥିଲା ା ବିକାଶ ଧାରାର ବୃଦ୍ଧିକୁ ଆଧାର କରି ଭାରତ ସରକାରଙ୍କ ପକ୍ଷରୁ ସ୍କୋର ର଼୍ୟାକିଂ କରାଯାଇଛି ା ନବରଙ୍ଗପୁର ଜିଲା ନଭେମ୍ବର ସୁଦ୍ଧା ସ୍ବାସ୍ଥ୍ୟ ଓ ପୁଷ୍ଟିକରରେ ୬୩.୮ ପ୍ରତିଶତ ସ୍କୋର ପାଇଛି ା ସେହିଭଳି ଶିକ୍ଷାରେ ୪୦.୫, କୃଷି ଓ ଜଳ ସମ୍ବଳରେ ୧୯. ୯, ଆର୍ଥିକ ଓ ଦକ୍ଷତା ଉନ୍ନତି କ୍ଷେତ୍ରରେ ୨୭.୩ ଏବଂ ଆଧାର ସଦୃଶ୍ୟ ତଥ୍ୟରେ ୬୩.୩ ପ୍ରତିଶତ ରହିଛି ା ଡେଲଟା ର଼୍ୟାଙ୍କ (ତ୍ରିକୋଣ ତଥ୍ୟ)କୁ ଆଧାର କଲେ ସ୍ବାସ୍ଥ୍ୟ ଓ ପୁଷ୍ଟିକରରେ୧୬ , ଶିକ୍ଷାରେ ୧୫, କୃଷି ଓ ଜଳ ସମ୍ବଳରେ ୭, ଆର୍ଥିକ ଓ ଦକ୍ଷତା ଉନ୍ନତି କ୍ଷେତ୍ରରେ ୧୮ ଓ ଆଧାର ସଦୃଶ୍ୟ ତଥ୍ୟରେ ୨ ନମ୍ବର ସ୍ଥାନରେ ରହିଛି ା ସେହିପରି ଅକ୍ଟୋବର ସୁଦ୍ଧା ସ୍ବାସ୍ଥ୍ୟ ଓ ପୁଷ୍ଟିକରରେ ୬୧.୩ ପ୍ରତିଶତ ସ୍କୋର ପାଇଛି ା ସେହିଭଳି ଶିକ୍ଷାରେ ୪୦.୪, କୃଷି ଓ ଜଳ ସମ୍ବଳରେ ୧୮.୫, ଆର୍ଥିକ ଓ ଦକ୍ଷତା ଉନ୍ନତି କ୍ଷେତ୍ରରେ ୨୫.୫ ଏବଂ ଆଧାର ସଦୃଶ୍ୟ ତଥ୍ୟରେ ୫୭.୩ ପ୍ରତିଶତ ରହିଥିଲା। ମିଶ୍ରିତ ଗଣନାରେ ଅକୋ୍ଟବର ସୁଦ୍ଧା ୪୩ ପ୍ରତିଶତ ରହିଥିବା ବେଳେ ନଭେମ୍ବର ସୁଦ୍ଧା ତାହା ବୃଦ୍ଧି ପାଇ ୪୪. ୮ ପ୍ରତିଶତରେ ପହଞ୍ଚିି ପାରିଛି ା ଏହାକୁ ଆଧାର କଲେ ଓଡିଶାର ନବରଙ୍ଗପୁର ଜିଲା ଭାରତ ବର୍ଷର ଅକାଂକ୍ଷା ଜିଲା ମାନଙ୍କ ମଧ୍ୟରେ ବିକାଶ ଧାରାକୁ ନେଇ ୩ୟ ସ୍ଥାନ ପାଇଛି। ଏହି ସଫଳତା ପଛରେ ସମସ୍ତ ଅଧିକାରୀ ଓ କର୍ମଚାରୀଙ୍କ ଉଦ୍ୟମ, ଜନସାଧାରଣ ଓ ଗଣମାଧ୍ୟମର ଭୂମିକା ରହିଛିି ବୋଲି ଜିଲାପାଳ ଡଃ. ଅଜିତ କୁମାର ମିଶ୍ର କହିଛନ୍ତି।