ଭଦ୍ରକ ଅଫିସ, ୪।୫: ଭଦ୍ରକ ଜିଲା ତିହିଡି ବ୍ଲକରେ ସୋମବାର ଜଣେ ଗ୍ୟାସ ଏଜେନ୍ସି କର୍ମଚାରୀ ଲୁଟ୍ର ଶିକାର ହୋଇଛନ୍ତି। ଦୁର୍ବୃତ୍ତମାନେ ତାଙ୍କୁ ଆକ୍ରମଣ କରିବା ସହ ତାଙ୍କ ନିକଟରୁ ୧୦ ଲକ୍ଷ ୮୦ ହଜାର ନେଇଯାଇଥିବା ଜଣାପଡ଼ିଛି। ଲୁଟ୍ର ଶିକାର ହୋଇଥିବା କର୍ମଚାରୀ ହେଲେ ବୋଡ଼କ ପଞ୍ଚାୟତର ପ୍ରମୋଦ ଭଞ୍ଜ।
ପ୍ରକାଶ ଯେ, ପାଳିଆବିନ୍ଧା ରାଉତ ଗ୍ରାମୀଣ ଗ୍ୟାସ ଏଜେନ୍ସି କର୍ମଚାରୀ ପ୍ରମୋଦ ୧୦ ଲକ୍ଷ ୮୦ ହଜାର ଟଙ୍କା ନେଇ ତିହିଡିସ୍ଥିତ ୟୁକୋ ବ୍ୟାଙ୍କ୍ରେ ଡିପୋଜିଟ୍ କରିବାକୁ ଯାଉଥିଲେ। ଜିଝାରପୁର ରେଳଲାଇନ୍ ନିକଟରେ ୩ ଦୁର୍ବୃତ୍ତ ଏକ ନମ୍ବର ପ୍ଲେଟ ନ ଥିବା ବାଇକ୍ରେ ଆସି ତାଙ୍କୁ ଆକ୍ରମଣ କରିବା ସହ ତାଙ୍କ ହାତରୁ ଟଙ୍କା ବ୍ୟାଗ୍କୁ ନେଇ ଫେରାର ହୋଇଯାଇଥିଲେ। ସ୍ଥାନୀୟ ଲୋକେ ପ୍ରମୋଦଙ୍କୁ ଉଦ୍ଧାରକରି ତିହିଡି ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିବା ଜଣାପଡ଼ିଛି। ଏ ନେଇ ତିହିଡ଼ି ଥାନାରେ ଅଭିଯୋଗ ହେବା ପରେ ପୋଲିସ ତଦନ୍ତ ଆରମ୍ଭ କରିଛି।