ଆସିକା, ୧୨।୩ (ଡି.ଏନ୍.ଏ): ଆସିକା ସମବାୟ ଚିନିଶିଳ୍ପ ପରିସରଭୁକ୍ତ ଗଞ୍ଜାମ ଜିଲା ଅର୍ଦ୍ଧାଧିକ ଅଞ୍ଚଳରେ ଦିନକୁ ଦିନ ଆଖୁଚାଷ କମୁଥିବାରୁ ଚିନିଶିଳ୍ପ ଓ ସରକାରଙ୍କ ଲାଗି ଚିନ୍ତାର କାରଣ ହୋଇଛି ା ଏହି ପରିସ୍ଥିତିରେ କୃଷି ବିଭାଗର ଏକ ଉଚ୍ଚସ୍ତରୀୟ କମିଟି ଏବଂ ଚିନିଶିଳ୍ପ ପରିଚାଳନା କର୍ତ୍ତୃପକ୍ଷଙ୍କ ମିଳିତ ପ୍ରତିନିଧି ଦଳ ଶୁକ୍ରବାର ବିଭିନ୍ନ ବ୍ଲକରେ ଆଖୁଚାଷ ଅଞ୍ଚଳ ପରିଦର୍ଶନ କରିଛନ୍ତି ା ଏହି ପ୍ରତିନିଧି ଦଳ ଆଖୁଚାଷ ଅଞ୍ଚଳ ଶେରଗଡ ବ୍ଲକର ଅଣ୍ଡିରାସିଙ୍ଗି, ରାମକୃଷ୍ଣପୁର, ତାକରଡା, ଢିଙ୍କିଶାଳ ଆଦି ଗ୍ରାମରେ ଆଖୁକ୍ଷେତକୁ ଯାଇ ଚାଷ ସ୍ଥିତି ଅନୁଧ୍ୟାନ କରିବା ସହ ଚାଷୀଙ୍କ ସହ ବିଭିନ୍ନ ସମସ୍ୟା ସମ୍ପର୍କରେ ଆଲୋଚନା କରି ଫେରିଛନ୍ତି ା ଏହି ପ୍ରତିନିଧି ଦଳରେ କୃଷି ବିଭାଗର ଅତିରିକ୍ତ କୃଷି ନିର୍ଦ୍ଦେଶକ ଅଂଶୁମାନ ପଟ୍ଟନାୟକ, ଜିଲା ମୁଖ୍ୟ କୃଷି ଅଧିକାରୀ ଦିଲ୍ଲୀପ ଖୁଣ୍ଟିଆ, ଚିନିଶିଳ୍ପ ସଭାପତି ରବୀନ୍ଦ୍ର ପଣ୍ଡା, ନୟାଗଡ ଆଖୁ ଗବେଷଣା କେନ୍ଦ୍ରର ବରିଷ୍ଠ ବୈଜ୍ଞାନିକ ଡ. ପ୍ରମୋଦ କୁମାର ନାୟକ, ଡ. ସାଗରିକା ମହାନ୍ତି, କୃଷି ବିଭାଗର ଯୋଜନା ଅଧିକାରୀ ସୀତାଂଶୁ କୁମାର ବେହେରା, ଅଜିତ ମହାପାତ୍ର, ଚିନିଶିଳ୍ପର ଆଖୁ ପରିଚାଳକ ପ୍ରଶାନ୍ତ କୁମାର ପାଢୀ, ଚିନିଶିଳ୍ପ ପରିଚାଳନା ପରିଷଦର ନିର୍ଦ୍ଦେଶକ ଧରୁମୁ ପ୍ରଧାନ, ଉଦୟ ପ୍ରଧାନ ପ୍ରମୁଖ ସାମିଲ ଥିଲେ। ବୈଠକରେ ଚାଷୀମାନଙ୍କୁ ଉନ୍ନତମାନର ଆଖୁ ବିହନ ଓ କୀଟନାଶକ ଔଷଧ ବ୍ୟବହାର, ପାରମ୍ପରିକ ଆଖୁଚାଷ ପଦ୍ଧତି ଛାଡି ବୈଜ୍ଞାନିକ ପଦ୍ଧତିରେ ଆଖୁଚାଷ କଲେ ସ୍ବଳ୍ପ ବ୍ୟୟ ଓ କମ୍ ପରିଶ୍ରମରେ ଅଧିକ ଆଖୁ ଉପତ୍ାଦନ ହୋଇପାରିବ ବୋଲି ପରାମର୍ଶ ଦେଇଥିଲେ ା ଅପରାହ୍ନରେ ଆସିକା ବ୍ଲକର ବାବନପୁରସ୍ଥିତ କୃଷି ବିଭାଗ କାର୍ଯ୍ୟାଳୟ ଠାରେ ଏକ ସମୀକ୍ଷା ବୈଠକ ଅନୁଷ୍ଠିତ ହୋଇଥିଲା ା ବୈଠକରେ ଜିଲାର ୧୫ଟି ବ୍ଲକର କୃଷି ଅଧିକାରୀ, ସହାୟକ କୃଷି ଅଧିକାରୀ, ଚିନିଶିଳ୍ପ ଅଧିକାରୀ ଓ କ୍ଷେତ୍ର କର୍ମଚାରୀ ଯୋଗଦେଇଥିଲୋ ବୈଠକରେ କୃଷି ବିଭାଗ ପକ୍ଷରୁ ଅଧିକ ଅମଳକ୍ଷମ ଆଖୁଚାଷ ନିମନ୍ତେ ସମସ୍ତ ପ୍ରକାର ବୈଷୟିକ ସହଯୋଗ ପ୍ରଦାନ ଉପରେ ଅଧିକାରୀମାନେ ମତ ଦେଇଥିଲେ। ଆଗାମୀ ଦିନରେ ଚିନିଶିଳ୍ପର ଆଖୁ ବିଭାଗର ସମସ୍ତ କ୍ଷେତ୍ର କର୍ମଚାରୀ, ଆଗ୍ରହୀ ନିର୍ଦ୍ଦେଶକ ଏବଂ ଅଗ୍ରଣୀ ଆଖୁଚାଷୀଙ୍କୁ ଓଡିଶା କୃଷି ଓ ବୈଷୟିକ ବିଶ୍ୱ ବିଦ୍ୟାଳୟ ଦ୍ୱାରା ପରିଚାଳିତ ନୟାଗଡସ୍ଥିତ ଆଖୁ ଗବେଷଣା କେନ୍ଦ୍ରରେ ଆଖୁ ଚାଷ ସମ୍ପର୍କରେ ତାଲିମ ଦେବା ନିମନ୍ତେ ନିଷ୍ପତ୍ତି କରାଯାଇଥିବା ଚିନିଶିଳ୍ପ ପରିଚାଳନା ପରିଷଦର ସଭାପତି ପଣ୍ଡା ସୂଚନା ଦେଇଛନ୍ତି ା ଉଲ୍ଲେଖଯୋଗ୍ୟ ଚିନିଶିଳ୍ପ ପରିସରଭୁକ୍ତ ଅଞ୍ଚଳରେ ଆଖୁଚାଷର ଅଗ୍ରଗତି ଲାଗି ରାଜ୍ୟ ସରକାରଙ୍କ ପକ୍ଷରୁ ଚଳିତ ବର୍ଷ ୨କୋଟି ୬୫ ଲକ୍ଷ ଟଙ୍କାର ଏକ ସ୍ବତନ୍ତ୍ର ଅନୁଦାନ ଚିନିଶିଳ୍ପକୁ ଦିଆଯାଇଛି ା ଏହି ଯୋଜନାରେ କୃଷି ବିଭାଗ ଓ ଚିନିଶିଳ୍ପ ପରିଚାଳନା ପରିଷଦର ମିଳିତ ଉଦ୍ୟମରେ ଆଖୁଚାଷୀଙ୍କୁ ଉନ୍ନତମାନର ବିହନ, ସାର, କୀଟନାଶକ ଔଷଧ ଯୋଗାଣ ସହ ଆଖୁଚାଷ ପ୍ରତି ଆଗ୍ରହ ସୃଷ୍ଟି ନିମନ୍ତେ ବିଭିନ୍ନ ସ୍ଥାନରେ ସଚେତନତା କାର୍ଯ୍ୟକ୍ରମ କରିବା
ଲାଗି ନିଷ୍ପତ୍ତି ନିଆଯାଇଛି ା