ଭବାନୀପାଟଣା,୧୭।୯(ଡି.ଏନ.ଏ.)
ଏକତା ପରିଷଦ କଳାହାଣ୍ଡି ଶାଖା ପକ୍ଷରୁ ସ୍ଥାନୀୟ ଏସ୍ଏନ୍ କନଫ୍ରେନ୍ସ ହଲ୍ଠାରେ ୨ ଦିନିଆ ଆଞ୍ଚଳିକ ଯୁବ ପ୍ରଶିକ୍ଷଣ ଶିବିର ଉଦ୍ଘାଟିତ ହୋଇଯାଇଛି। ଶିବିରକୁ ବରିଷ୍ଠ ଗବେଶକ ଉମାଶଙ୍କର କର ଓ ଉକ୍ତା ପରିସଦ ରାଜ୍ୟ ଶାଖା ଆବାହକ ଭାରତ ଭୂଷଣ ଠାକୁର ଉଦ୍ଘାଟନ କରିଥିଲେ। ଏଥିରେ କଳାହାଣ୍ଡି, କନ୍ଧମାଳ, ରାୟଗଡା, ବଲାଙ୍ଗୀର ଓ ସୁନ୍ଦରଗଡ ଜିଲାରୁ ପ୍ରାୟ ୫୦ ଜଣ ଯୁବତୀଯୁବକ ଓ ଏକତା ପରିଷଦର ବରିଷ୍ଠ କର୍ମକର୍ତ୍ତାମାନେ ଯୋଗଦେଇଚନ୍ତି। ଏହି ଶିବିର ଦୁଇଦିନ ଧରି ଚାଲିବ। ଯୁବପିଢୀଙ୍କ ଭିତରେ ନେତୃତ୍ୱର ବିକାଶ, ଆମତ୍ନିର୍ଭରଶିଳତା, ସମାଜର ବିକାଶ ଧାରାରେ ସେମାନଙ୍କ ଭୂମିକା କିପରି ରହିବା ଆବଶ୍ୟକ ସେ ଉପରେ ତାଲିମ୍ ଦିଆଯାଉଛି। ସେହିପରି ଦ୍ୱିତୀୟ ଦିବସରେ ପ୍ରାତଃ ୬ଟାରେ ଶିବିରାର୍ଥୀମାନଙ୍କ ଦ୍ୱାରା ବେହେରାଗୁଡା ଗ୍ରାମରେ ଶ୍ରମଦାନ କାର୍ଯ୍ୟକ୍ରମ କରାଯିବ। ଏକତା ପରିଷଦ କଳାହାଣ୍ଡି ସଂଯୋଜକ ସରୋଜ ବାଗ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ସାଥି କାହ୍ନୁ ଭାଇ, ଆଲମ୍ ଏକ୍କା, ବିବିନିକା ପ୍ରଧାନ, ମମତା ପାଣିଗ୍ରାହୀ ଓ ଦିଲୀପ ଭୋଇ ସହଯୋଗ କରିଥିଲେ।