ଆଠମଲ୍ଲିକ, ୨୮|୨(ଡି.ଏନ.ଏ.) – ଆଠମଲ୍ଲିକ ସହରରେ ବିଭିନ୍ନ ସ୍ଥାନରେ ରାସ୍ତା ଅବସ୍ଥା ବିପର୍ଯ୍ୟସ୍ତ ହୋଇପଡିଛି। ଦୀର୍ଘ ଦିନ ହେଲା ଏଗୁଡିକର ମରାମତି କରାଯାଉ ନ ଥିବାରୁ ଲୋକେ ଯାତାୟାତରେ ନାହିଁ ନ ଥିବା ଅସୁବିଧା ଭୋଗୁଛନ୍ତି। ସହରର ଟାଙ୍ଗିଆନିଶା-ବରଗାଁ ରାସ୍ତା, ନୂଆସାହି, ଜମ୍ବେଶ୍ୱର ମିଶ୍ର-ବନ୍ଧସାହି ଛକ ଗଳି, ମାଣିକପଥର-ପଡିଆ ହିନ୍ଦୋଳ, ସାଲେଇଢିପା, ମାଣିକପଥର ଗ୍ରାମ ରାସ୍ତା, ପୁଲେଶ୍ୱର ଆଦି ରାସ୍ତା ଖାଲଖମାରେ ପରିଣତ ହୋଇଛି। ଫଳରେ ଲୋକେ ଯିବାଆସିବାବେଳେ ହଇରାଣ ହେଉଛନ୍ତି। ତୁରନ୍ତ ଏନ୍ଏସି ପକ୍ଷରୁ ରାସ୍ତା ନିର୍ମାଣ କରାଯିବାକୁ ସାଧାରଣରେ ଦାବି ହୋଇଛି। ଏ ସମ୍ପର୍କରେ ଏନ୍ଏସି ନିର୍ବାହୀ ଅଧିକାରୀ କାଦମ୍ବିନୀ ଜେନାଙ୍କୁ ଯୋଗାଯୋଗ କରିବାରେ କହିଛନ୍ତି, ଉକ୍ତ ରାସ୍ତାଗୁଡିକ ନିର୍ମାଣ ପାଇଁ ଟେଣ୍ଡର ହୋଇସାରିଛି। ଖୁବ୍ଶୀଘ୍ର କାର୍ଯ୍ୟ ଆରମ୍ଭ ହେବ। ଏତଦ୍ବ୍ୟତୀତ ଟାଙ୍ଗିଆନିଶା-ବରଗାଁ ରାସ୍ତା ପୂର୍ତ୍ତ ବିଭାଗ ଅଧୀନରେ ରହିଛି।