ପାତ୍ରପୁର,୨୮ା୧୧(ଡି.ଏନ୍.ଏ.)-ପାତ୍ରପୁର ବ୍ଲକ ତୁମ୍ବା, ବୁରାତାଲ ଓ ଆଙ୍କୁଲି ପଞ୍ଚାୟତବାସୀ ତିତ୍ଲି ବାତ୍ୟା ପରବର୍ତ୍ତୀ ବିଭିନ୍ନ ସମସ୍ୟା ନେଇ ମଙ୍ଗଳବାର ଠାରୁ ତହସିଲ କାର୍ଯ୍ୟାଳୟ ଆଗରେ ଦେଇଥିବା ଧାରଣା ବୁଧବାର ସନ୍ଧ୍ୟାରେ ଉପଜିଲାପାଳଙ୍କ ଲିଖିତ ପ୍ରତିଶ୍ରୁତି ପରେ ପ୍ରତ୍ୟାହୃତ ହୋଇଛି।
ପ୍ରକାଶ ଯେ, ବିଭିନ୍ନ ସମସ୍ୟା ନେଇ ମଙ୍ଗଳବାର ଠାରୁ ସମ୍ପୃକ୍ତ ଗ୍ରାମବାସୀ ଧାରଣା ଦେଇଥିଲେ। ବୁଧବାର ଦ୍ୱିତୀୟ ଦିନରେ ମଶାଣିବାଡ଼ ଗ୍ରାମର କୀର୍ତ୍ତି ବେହେରା ଓ ଆଙ୍କୁଲି ଗ୍ରାମର ଭଗବାନ ବେହେରା ଧାରଣାସ୍ଥଳରେ ଅଚେତ ହୋଇପଡିଥିବାବେଳେ ତାଙ୍କୁ ମେଡ଼ିକାଲ ନିଆଯାଇଥିଲା। ସନ୍ଧ୍ୟା ପର୍ଯ୍ୟନ୍ତ ଆନ୍ଦୋଳନକାରୀ ଆଦିବାସୀ ଓ ପ୍ରଶାସନ ମଧ୍ୟରେ ବୁଝାମଣା ଜାରି ରହିଥିଲା ା ତିତ୍ଲିକୁ ବୁଧବାର ବର୍ଷେ ପୁରିଥିଲେ ମଧ୍ୟ କ୍ଷତିଗ୍ରସ୍ତଙ୍କୁ ସହାୟତା ମିଳିନାହିଁ। ଅଭିଯୋଗ କଲେ ମଧ୍ୟ ପ୍ରଶାସନ ଶୁଣୁନାହିଁ ବୋଲି ଆଦିବାସୀ ମାନେ ପ୍ରକାଶ କରିଥିଲେ। ବୁଧବାର ସନ୍ଧ୍ୟାରେ ତହସିଲଦାର ମନୋଜ ପ୍ରଭାକର କୁଜୁର୍ ଉପଜିଲାପାଳ ଧାରଣାସ୍ଥଳରେ ପହଞ୍ଚତ୍ ଆଦିବାସୀଙ୍କ ସହ ଆଲୋଚନା ଆରମ୍ଭ କରିଥିଲେ। ଆସନ୍ତା ୧୫ ଦିନ ମଧ୍ୟରେ ତଦନ୍ତ କରି କ୍ଷତିଗ୍ରସ୍ତ ପରିବାରଙ୍କୁ ସହାୟତା ଯୋଗାଇଦେବାକୁ ଉପଜିଲାପାଳଙ୍କ ଏକ ଚିଠିକୁ ଧରି ତହସିଲଦାର ପହଞ୍ଚତ୍ ଆଦିବାସୀଙ୍କ ସହ ଆଲୋଚନା କରିଥିଲେ। ୧୫ ଦିନ ମଧ୍ୟରେ ସହାୟତା ନମିଳିଲେ ପୁଣି ଧାରଣା ଦିଆଯିବ ବୋଲି ଆଦିବାସୀ ମାନେ ନିଷ୍ପତ୍ତି ନେଇ ଧାରଣା ପ୍ରତ୍ୟାହାର କରିଛନ୍ତି।