ଲେଫ୍ରିପଡା,୨୯।୧୧(ଡି.ଏନ.ଏ) -ସୁନ୍ଦରଗଡ଼ ସ୍ବତନ୍ତ୍ର ଉନ୍ନୟନ ପରିଷଦ ପକ୍ଷରୁ ଲେଫ୍ରିପଡା ବ୍ଲକ୍ କାର୍ଯ୍ୟାଳୟଠାରେ ଆଦିବାସୀ ସଂସ୍କୃତି ପରମ୍ପରା ଏବଂ କ୍ରୀଡା ସାମଗ୍ରୀ ବଣ୍ଟନ କାର୍ଯ୍ୟକ୍ରମ ଗୁରୁବାର ଅନୁଷ୍ଠିତ ହୋଇଯାଇଛି। ଆୟୋଜିତ କାର୍ଯ୍ୟକ୍ରମରେ ସୁନ୍ଦରଗଡ଼ ବିକାଶ ପରିଷଦର ଅଧ୍ୟକ୍ଷ ବିନୟ କୁମାର ଟପୋ ମୁଖ୍ୟଅତିଥି ଭାବେ ଯୋଗଦାନ କରିଥିଲେ। ରାଜ୍ୟରେ ଆଦିବାସୀ ସଂସ୍କୃତି ପରମ୍ପରାକୁ ବଞ୍ଚାଇ ଉଜ୍ଜୀବିତ କରିବା ଏବଂ କ୍ରୀଡା କ୍ଷେତ୍ରରେ ଉନ୍ନତି କରିବା ସକାଶେ ରାଜ୍ୟ ସରକାର ଯୁଗାନ୍ତକାରୀ ପଦକ୍ଷେପ ନେଇଛନ୍ତି ବୋଲି ସେ ମତାମତ ପ୍ରଦାନ କରିଥିଲେ। ସୁନ୍ଦରଗଡ଼ ସଦରର ପୂର୍ବତନ ବିଧାୟକ ଯୋଗେଶ କୁମାର ସିଂ ସମ୍ମାନିତ ଅତିଥି ଭାବେ ଯୋଗଦାନ କରି ରାଜ୍ୟର ମୁଖ୍ୟମନ୍ତ୍ରୀ ସୁନ୍ଦରଗଡ଼ ଜିଲାର ଆଦିବାସୀମାନଙ୍କ ସକାଶେ ସ୍ବତନ୍ତ୍ର ଉନ୍ନୟନ ପରିଷଦ ଗଠନ କରି ଯେଉଁ ପଦକ୍ଷେପ ନେଇଛନ୍ତି ତାହା ଅତ୍ୟନ୍ତ ସ୍ବାଗତଯୋଗ୍ୟ ରହିଛି। ଏଥିରେ ଜିଲାର ସମସ୍ତ ଆଦିବାସୀ ଭଉଣୀଭାଇ ଉନ୍ନୟନ ଦିଗରେ ସାମିଲ ହୋଇ ରାଜ୍ୟ ସରକାରଙ୍କର ବିକାଶଧାରାରେ ସାମିଲ ହେବା ପାଇଁ ଉଦ୍ବୋଧନ ପ୍ରଦାନ କରିଥିଲେ। ଅନ୍ୟମାନଙ୍କ ମଧ୍ୟରେ ଲେଫ୍ରିପଡା ବ୍ଲକ ଅଧ୍ୟକ୍ଷା କାମିନୀ କାଲୋ, ଗୋଷ୍ଠୀ ଉନ୍ନୟନ ଅଧିକାରୀ ପଲ୍ଲବୀ ରାଣୀ ରାଜ୍୍, ବ୍ଲକ ଶିକ୍ଷା ଅଧିକାରୀ ହରେକୃଷ୍ଣ ପୁରୋହିତ, ହେମଗିର ବ୍ଲକ ଅଧ୍ୟକ୍ଷା ସୁଧାରାଣୀ ରଉଡିଆ, ଲେଫ୍ରିପଡା ସମିତି ସଭ୍ୟା ଜୟନ୍ତୀ ଗର୍ଡିଆ, ସରପଞ୍ଚ ମଦନ ଛତ୍ରିଆ, ମଶାବିରା ସମିତିସଭ୍ୟ ସୁମନ୍ତ ପୂଜାରୀ, ହେମଗିର ବ୍ଲକ୍ ବିଜେଡି ସଭାପତି ସୁକାନ୍ତ ପତି, ରମେଶ ପାଣ୍ଡେ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦାନ କରିଥିଲେ। ପରେ ଲେଫ୍ରିପଡା ବ୍ଲକ ଏବଂ ହେମଗିର ବ୍ଲକ୍ର ଓରାମ, ଖଡିଆ, କିଷାନ ସମ୍ପ୍ରଦାୟର ୧୧ଗୋଟି ଡ୍ୟାନ୍ସ ଗ୍ରୁପ୍, ୯ ଫୁଟ୍ବଲ ଟିମ୍ ଏବଂ ୧୭ଟି କୀର୍ତ୍ତନ ମଣ୍ଡଳୀଙ୍କୁ ସାମଗ୍ରୀ ବଣ୍ଟନ କରାଯାଇଥିଲା। କାର୍ଯ୍ୟକ୍ରମରେ ଗୀତାଞ୍ଜଳି ଟପୋ ମଞ୍ଚ ପରିଚାଳନା କରିଥିଲେ। ଲେଫ୍ରିପଡା ଲ୍ୟାମ୍ପ୍ସ ସଭାପତି ତଥା ବିଜେଡି ଯୁବ ନେତା ସୁନିଲ କୁମାର କାଲୋ, ହୃଦାନନ୍ଦ ସାହୁ, ଭବାନୀ ବିରଗଣ୍ଠିଆ, ପ୍ରଶାନ୍ତ ପୃଷେଠ୍, ଟଙ୍କଧର ବେହେରା, ବିଭୂତି ପଟେଲ, ସୁମନ୍ତ ନାଏକ, ଗୋଲାପ ପଟେଲ, ବୈଷ୍ଣବ ମାଝି ପ୍ରମୁଖ ପରିଚାଳନା କ୍ଷେତ୍ରରେ ସହଯୋଗ କରିଥିଲେ।
