ବ୍ରହ୍ମପୁର ଅଫିସ୍,୧୩ା୧-ସ୍ଥାନୀୟ ଗୋଷାଣୀନୂଆଗଁା କେସି ହାଇସ୍କୁଲ ପଡିଆରେ କେସି ଏକାଦଶ କ୍ରିକେଟ ବ୍ଲକ ଆନୁକୂଲ୍ୟରେ ଆନ୍ତଃ ରାଜ୍ୟ ଟେନିସ ବଲ କ୍ରିକେଟ ଟୁର୍ନାମେଣ୍ଟ ଉଦ୍ଯାପନୀ ଉତ୍ସବରେ ମୁଖ୍ୟ ଅତିଥି ଭାବେ ବ୍ରହ୍ମପୁର ବିଧାୟକ ବିକ୍ରମ କୁମାର ପଣ୍ଡା, ବ୍ରହ୍ମପୁର ବିଶ୍ୱବିଦ୍ୟାଳୟ ଅବସରପ୍ରାପ୍ତ ପ୍ରଫେସର ବିଷ୍ଣୁ ଚରଣ ଚୌଧୁରୀ, ଅନ୍ୟ ଅତିଥିଙ୍କ ମଧ୍ୟରେ ବିଜେଡି ଡିଷ୍ଟ୍ରିକ୍ଟ ଭାଇସ୍ ପ୍ରେସିଡେଣ୍ଟ ସଞ୍ଜିିତ ପାଣିଗ୍ରାହୀ, ଅମିୟ ଦାଶ, ଗୋବିନ୍ଦ ପାଢ଼ୀ, ବୁଦ୍ଧିଆ ସାହୁ, ପ୍ରମୋଦ ଚୌଧୁରୀ, କୈଳାସ ଚୌଧୁରୀ, ଜଗନ୍ନାଥ ସାହୁ, ବିଜୟ କୁମାର ପଟ୍ଟନାୟକ, ଏନ.ତ୍ରିିପତି ପାତ୍ର, ନୟନ ଆଚାର୍ଯ୍ୟ, ଡ.ଅସୀମ ଅମିତାଭ ପଟ୍ଟନାୟକ, ନୀଳମାଧବ ବେହେରା, ସନ୍ତୋଷ ପାଢ଼ୀ ଓ ପ୍ରଦୀପ ମିଶ୍ର ପ୍ରମୁଖ ଉପସ୍ଥିତ ଥିଲେ। ଫାଇନାଲ ମ୍ୟାଚ ଶ୍ରୀକାକୁଲମ ଏଫସିସି ବନାମ ଆଜାଦ ସ୍ପୋର୍ଟିଂ ବ୍ଲକ ମଧ୍ୟରେ ଅନୁଷ୍ଠିତ ହୋଇଥିଲା । ଶ୍ରୀକାକୁଲମ ଦଳ ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଇଥିଲା। ନିର୍ଦ୍ଧାରିତ ୧୫ ଓଭର ମ୍ୟାଚ ଖେଳି ୬ ଉଇକେଟ ବିନିମୟରେ ୨୩୨ ରନ କରିଥିଲା। ଦଳପକ୍ଷରୁ ସାଇ ୨୨ ବଲ ଖେଳି ୬୪ ରନ ଓ ସନ୍ତୁ ୨୦ ବଲ ଖେଳି ୫୩ ରନ କରିଥିଲେ । ଆଜାଦ ସ୍ପୋର୍ଟିଂ ତରଫରୁ ସୁନୀଲ ପାଣିଗ୍ରାହୀ ଓ ମନୋଜ ଚୌଧୁରୀ ଦୁଇଟି ଉଇକେଟ ଅକ୍ତିଆର କରିଥିଲେ। ଜବାବରେ ଆଜାଦ ସ୍ପୋର୍ଟିଂ କ୍ଲବ ୧୦ ଓଭର ଖେଳି ସମସ୍ତ ଉଇକେଟ ହରାଇ ୬୦ ରନ କରିଥିଲା । ଦଳପକ୍ଷରୁ ସୁନୀଲ ୬ ବଲ ଖେଳି ୧୬ ରନ କରିଥିଲେ ।
ଶ୍ରୀକାକୁଲମ ତରଫରୁ ବୋଲିଂରେ ସୋନୁ ୨ ଓଭରରେ ୯ ରନ ଦେଇ ୪ ଉଇକେଟ ଅକ୍ତିଆର କରିଥିଲେ। ଏହି ମ୍ୟାଚକୁ ଶ୍ରୀକାକୁଲମ ଦଳ ୧୭୨ ରନ ଜିତି ନେଇଥିଲା। ଡି.ରଜନୀକାନ୍ତ ରେଡ୍ଡୀ ଓ ପ୍ରସନ୍ନ ପାଢ଼ୀ ମ୍ୟାଚ୍ ପରିଚାଳନା କରିଥିଲେ। ସ୍କୋରର ଭାବେ ସୂର୍ଯ୍ୟନାରାୟଣ ପରିଡା ସହଯୋଗ କରିଥିଲେ। ମ୍ୟାନ ଅଫ ଦି ମ୍ୟାଚ ଭାବେ ଓ ମ୍ୟାନ ଅଫ ଦି ସିରିଜ ଭାବେ ଶ୍ରୀକାକୁଲମର ସାଇ ବେଷ୍ଟ ବୋଲର, ଶ୍ରୀକାକୁଲମର ସୋନୁ, ବେଷ୍ଟ ବ୍ୟାଟ୍ସମ୍ୟାନ ଓ ଆଜାଦ ଟିମର ସୁନୀଲ ପାଣିଗ୍ରାହୀଙ୍କୁ ମନୋନୀତ କରାଯାଇଥିଲା । ବିଜେତା ଟିମ୍କୁ ଟ୍ରଫି ସହ ୩୦ ହଜାର ଟଙ୍କା ଓ ରନର୍ସ ଟିମ୍କୁ ଟ୍ରଫି ସହ ୨୦ ହଜାର ଟଙ୍କା ବ୍ରହ୍ମପୁର ବିଧାୟକ ପଣ୍ଡା ପ୍ରଦାନ କରିଥିଲେ।