ସିନାପାଲି,୨୧।୯(ଡି.ଏନ.ଏ.)
ନୂଆପଡା ଜିଲା ସିନାପାଲିସ୍ଥିତ ସିଂଗଝର ଫୁଟବଲ୍ ଆସୋସିଏଶନ୍ ଆନୁକୂଲ୍ୟରେ ଫୁଟବଲ ଟୁର୍ନାମେଣ୍ଟ ଉଦ୍ଘାଟିତ ହୋଇଯାଇଛି। ଉଦ୍ଘାଟନୀ ମ୍ୟାଚ୍ କାପସି ବନାମ ଚଟିଆଗୁଡା ଓ ମାନିଗାଁ ବନାମ ଜାମଗାଁ ମଧ୍ୟରେ ମୁକାବିଲା ହୋଇଥିଲା । ପ୍ରଥମେ କାପସି ଓ ଚଟିଆଗୁଡା ଏକାଦଶ ମଧ୍ୟରେ ଟ୍ରାଇବାଇକ୍ ମାଧ୍ୟମରେ କାପସି ଏକାଦଶ ୧-୦ ଗୋଲରେ ବିଜୟୀ ଲାଭ କରିଥିଲା । ଦ୍ୱିତୀୟ ମ୍ୟାଚରେ ମାନିଗାଁ ଏକାଦଶ ଟ୍ରାଇବାଇକ୍ ମାଧ୍ୟମରେ ୫-୩ ଗୋଲ୍ରେ ଜାମଗାଁ ଏକାଦଶକୁ ହରାଇ ବିଜୟ ଲାଭ କରିଥିଲା। ଉଦ୍ଘାଟନୀ ଦିବସରେ ମୁଖ୍ୟଅତିଥି ଭାବେ ସିଂଗଝର ସରପଞ୍ଚ ରୀନା ବୈଠାରୁ, ଜଇତରାମ ନାଏକ, ବୈକୁଣ୍ଠ ମାଝି ପ୍ରମୁଖ ଯୋଗଦେଇ ଖେଳାଳିମାନଙ୍କୁ ଉତ୍ସାହିତ କରିଥିଲେ । ମ୍ୟାଚ ରେଫରୀ ଭାବେ କୁସୁମଯୋର ଖେଳ ଶିକ୍ଷକ ସନ୍ତୋଷ ବୈଠାରୁ ଓ ଅନ୍ୟ ଏକ ମ୍ୟାଚରେ ପୁଷ୍ପାକାନ୍ତ ନିଆଲ ଖେଳ ପରିଚାଳନା କରିଥିଲେ । ପିଓଜ କଶ୍ୟପ, ଦିଲୀପ ନିଆଲ ଲାଇନ୍ ମ୍ୟାନ ଭାବେ କାର୍ଯ୍ୟ ତୁଲାଇଥିଲେ ।