କୋଣାର୍କ,୧୨।୫(ଡି.ଏନ୍.ଏ.): ଆନ୍ଧ୍ରରୁ ସମୁଦ୍ର ପଥଦେଇ ମଙ୍ଗଳବାର ଭୋର ୫ଟା୩୦ରେ ୧୬ଜଣ ନୋଳିଆ ଚନ୍ଦ୍ରଭାଗାରେ ପହଞ୍ଚିଛନ୍ତି। ସେମାନଙ୍କ ମଧ୍ୟରୁ ପୁରୀ ନୋଳିଆ ସାହିର ୫ ଓ ଚନ୍ଦ୍ରଭାଗା ସାହିର ୧୧ଜଣ ରହିଛନ୍ତି। ଖବର ପାଇ କୋଣାର୍କ ଓ ଚନ୍ଦ୍ରଭାଗା ମେରାଇନ ପୋଲିସ ସୋମବାର ରାତିଠାରୁ କୂଳରେ ଜଗି ରହିଥିଲେ। ମଙ୍ଗଳବାର ଭୋରରୁ ସେମାନେ ପହଞ୍ଚିିବା ପରେ ଗୋପ ତହସିଲଦାର ଓ କୋଣାର୍କ ଥାନାଧିକାରୀ ସେମାନଙ୍କୁ ଏକ ଅଟୋରେ କୋଣାର୍କ ସ୍ବାସ୍ଥ୍ୟକେନ୍ଦ୍ରରେ ଥିବା ଆଇସୋଲେଶନ ସେଣ୍ଟରକୁ ପଠାଇଦେଇଥିଲେ। ସୂଚନାଯୋଗ୍ୟ, ଉକ୍ତ ଆନ୍ଧ୍ର ଫେରନ୍ତା ଏକ ପର୍ବରେ ଯୋଗଦେବାକୁ ସେଠାକୁ ଯାଇଥିବା ବେଳେ ଲକ୍ଡାଉନ ଯୋଗୁ ଆଉ ଘରକୁ ଫେରି ପାରି ନ ଥିଲେ। କିନ୍ତୁ ସେଠାରେ ଖାଇବା ରହିବା ଅସୁବିଧା ହେବାରୁ ଏକ ଡଙ୍ଗା ସାହାଯ୍ୟରେ ଘରକୁ ଫେରବା ପାଇଁ ସେମାନେ ନିଷ୍ପତ୍ତି ନେଇଥିଲେ।