ଆନ୍ଧ୍ର ପ୍ରଦେଶରେ ଭାଜପା ସହ ମେଣ୍ଟ ଘୋଷଣା କଲା ଜନସେନା ପାର୍ଟି

ଅମରାବତୀ,୧୭।୧: ଦକ୍ଷିଣ ଭାରତୀୟ ଅଭିନେତା ପଓ୍ବନ କଲ୍ୟାଣଙ୍କ ନେତୃତ୍ୱାଧୀନ ଜନସେନା ପାର୍ଟି ଆନ୍ଧ୍ର ପ୍ରଦେଶରେ ଭାଜପା ସହ ମେଣ୍ଟ କରିଛି। ଏନେଇ ପଓ୍ବନ କହିଛନ୍ତି, ରାଜ୍ୟବାସୀ ତେଲୁଗ ଦେଶମ୍‌ ପାର୍ଟି ଏବଂ ଓ୍ବାଇଏସଆର କଂଗ୍ରେସ ସରକାରକୁ ଛାଡି ଏବେ ତୃତୀୟ ବିକଳ୍ପ ଖୋଜୁଛନ୍ତି। ଏହାକୁ ଦୃଷ୍ଟିରେ ରଖି ଜନସେନା ପାର୍ଟି ଭାଜପା ସହ ମେଣ୍ଟ କରିଛି। ଏହି ମେଣ୍ଟ ୨୦୨୪ରେ ଅନୁଷ୍ଠିତ ହେବାକୁ ଥିବା ଲୋକସଭା ଏବଂ ବିଧାନସଭା ନିର୍ବାଚନ ଏକାଠି ଲଢିବେ ବୋଲି ସେ ଘୋଷଣା କରିଛନ୍ତି। ସେହିପରି ରାଜ୍ୟ ଭାଜପା ଅଧ୍ୟକ୍ଷ କନ୍ନା ଲକ୍ଷ୍ମୀ ନାରାୟଣ କହିଛନ୍ତି, ଏହି ମେଣ୍ଟର ଉଦ୍ଦେଶ୍ୟ କେବଳ ରାଜ୍ୟକୁ ରକ୍ଷା କରିବା।ତେଣୁ ଆଗାମୀ ଦିନରେ ଏହି ମେଣ୍ଟ ରାଜ୍ୟର ଉନ୍ନତି ପାଇଁ କାମ କରିବ ବୋଲି ସେ କହିଛନ୍ତି।