ବାରିପଦା ଅଫିସ,୨୨।୨: ମୟୂରଭଞ୍ଜ ଜିଲା ବାଦାମପାହାଡ଼ ଥାନା ଅଧୀନ ଡୋଭାଗାଁ ଗ୍ରାମରେ ଶନିବାର ସକାଳେ ଏକ ଅଭାବନୀୟ ଘଟଣା ଘଟିଛି। ପାରିବାରିକ ଗଣ୍ଡଗୋଳକୁ କେନ୍ଦ୍ର କରି ପୁଅ ଠେଙ୍ଗା ମାଡ଼ରେ ବାପାଙ୍କ ମୃତ୍ୟୁ ଘଟିଛି। ମୃତକ ହେଲେ ଗୋପାଳ ନାଏକ (୫୫)।
ସୂଚନାନୁଯାୟୀ, ଗୋପାଳଙ୍କ ନାମରେ ଏକ ଆବାସ ଯୋଜନାରେ ଘର ତିଆରି ପାଇଁ ଟଙ୍କା ଆସିଥିଲା। ଶୁକ୍ରବାର ସନ୍ଧ୍ୟା ସମୟରେ ପୁଅ ଜିତେନ ନାଏକ(୨୮) ଗୋପାଳଙ୍କୁ ଉକ୍ତ ଟଙ୍କା ମାଗିଥିଲେ। ତେବେ ସେ ଟଙ୍କା ନ ଦେବାରୁ ଜିତେନ ଉତ୍କ୍ଷିପ୍ତ ହୋଇ ପାଖରେ ଥିବା ଏକ ଠେଙ୍ଗା ସାହାଯ୍ୟରେ ଗୋପାଳଙ୍କ ମୁଣ୍ଡକୁ ପିଟି ଦେଇଥିଲେ। ସେଠାରେ ଗୋପାଳଙ୍କର ମୃତ୍ୟୁ ଘଟିଥିଲା। ଶନିବାର ସକାଳେ ପୋଲିସ ଘଟଣା ସ୍ଥଳରେ ସାଇଣ୍ଟିଫିକ ଟିମ୍ ସହ ପହଞ୍ଚି ତଦନ୍ତ ଆରମ୍ଭ କରିବା ସହ ଜିତେନଙ୍କୁ ଅଟକ ରଖିଛି ।