ଭୁବନେଶ୍ୱର,୨୭।୫(ବ୍ୟୁରୋ)-ବନ୍ଦେ ଭାରତ ମିଶନରେ ପ୍ରବାସୀ ଭାରତୀୟଙ୍କୁ ସ୍ବଦେଶ ଫେରାଇ ଆଣିବା ପ୍ରକ୍ରିୟା ଜାରି ରହିଛି। ଏହି ମର୍ମରେ ଭୁବନେଶ୍ୱର ବିଜୁ ପଟ୍ଟନାୟକ ବିମାନ ବନ୍ଦରରେ ବୁଧବାର ରାତିରେ ଚତୁର୍ଥ ଅନ୍ତର୍ଜାତୀୟ ବିମାନ ଆବୁଧାବିରୁ ପ୍ରବାସୀ ଓଡ଼ିଆଙ୍କୁ ନେଇ ଅବତରଣ କରିଛି। ଏତିିହାଦ ଏୟାରଓ୍ବେଜ୍ ବିମାନଟି ରାତି ୮ଟା ୦୫ରେ ଭୁବନେଶ୍ୱରରେ ଅବତରଣ କରିଥିବାବେଳେ ଏଥିରେ ମୋଟ ୧୨୨ ଜଣ ଯାତ୍ରୀ ଆସିଛନ୍ତି। ପରେ ସେହି ବିମାନଟି ଆବୁଧାବିକୁ ପ୍ରତ୍ୟାବର୍ତ୍ତନ କରିଥିବା ବିମାନ ବନ୍ଦର ନିର୍ଦ୍ଦେଶକ ଭି.ଭି ରାଓ ସୂଚନା ଦେଇଛନ୍ତି।