ଆବୁଧାବି, ୨।୧୨ (ଏଏଫିପି)- ମର୍ସିଡିଜ ଡ୍ରାଇଭର ବ୍ରିଟେନର ଲୁଇସ୍ ହାମିଲଟନ ଏଠାରେ ଅନୁଷ୍ଠିତ ଆବୁଧାବି ଗ୍ରାଁ ପ୍ରି ଫର୍ମୁଲା-୧ ରେସ୍ରେ ଚାମ୍ପିୟନ ହୋଇଛନ୍ତି। ରବିବାର ଅନୁଷ୍ଠିତ ବର୍ଷର ଶେଷ ଗ୍ରାଁ ପ୍ରିର ଫାଇନାଲ ରେସ୍ରେ ସେ ୧:୩୪:୦୫.୭୧୫ ମିନିଟ ସମୟ ନେଇ ଶୀର୍ଷ ସ୍ଥାନରେ ରହିବା ସହ ଟାଇଟଲ ଜିତିଛନ୍ତି। ଏଥିସହିତ ୩୪ ବର୍ଷିୟ ହାମିଲଟନ କ୍ୟାରିୟରର ୮୪ତମ ବିଜୟ ହାସଲ କରିଛନ୍ତି। ଚଳିତ ବର୍ଷ ଅନୁଷ୍ଠିତ ୨୧ଟି ରେସ୍ରେ ଅଂଶଗ୍ରହଣ କରି ସର୍ବାଧବକ ୧୧ତମ ଟାଇଟଲ ଜିତିଛନ୍ତି। ରେକର୍ଡ ୮୮ତମ ପୋଲ ପୋଜିସନରୁ ସେ ରେସ୍ ଆରମ୍ଭ କରି ସମସ୍ତଙ୍କୁ ପଛରେ ପକାଇଥିଲେ। ତାଙ୍କ ଠାରୁ ୧୭ ସେକେଣ୍ଡ ଅଧିକ ସମୟ ନେଇ ରେଡବୁଲର ମାର୍କ୍ସ ଭେର୍ଷ୍ଟାପ୍ପେନ ଦ୍ୱିତୀୟ ସ୍ଥାନରେ ରହିଥିଲେ। ସେହିପରି ୪୩ ସେକେଣ୍ଡରୁ ଅଧିକ ସମୟ ନେଇ ଫେରାରି ଡ୍ରାଇଭର ଚାଲର୍ସ ଲେକ୍ଲେର୍କ ତୃତୀୟ ସ୍ଥାନାରେ ରହି ଅଭିଯାନ ଶେଷ କରିଛନ୍ତି। ସେହିପରି ଫିନଲାଣ୍ଡର ମର୍ସିଡିଜ ଡ୍ରାଇଭର ଭାଲଟାରୀ ବୋଟ୍ଟାସ ଚତୁର୍ଥ ଓ ଫେରାରିର ସେବାଷ୍ଟିଆନ ଭେଟେଲ ପଞ୍ଚମ ସ୍ଥାନରେ ରହି ଅଭିଯାନ ଶେଷ କରିଛନ୍ତି। ୬ଥର ବିଶ୍ୱ ଟାଇଟଲ ଜିତିଥିବା ହାମିଲଟନ ମୋଟ ୨୬ ପଏଣ୍ଟ ଅର୍ଜନ କରିଛନ୍ତି। ଉଲ୍ଲେଖଥାଉ କି, ପୂର୍ବରୁ ମାଇକେଲ ସୁମାକର ହାମିଲଟନଙ୍କଠାରୁ ଅଧିକ ୭ଟି ବିଜୟ ହାସଲ କରି ୯୧ଟି ଟାଇଟଲ ଜତିଛନ୍ତି।
