ବଲିଉଡ୍ରେ ମିଷ୍ଟର ପରଫେକ୍ଟ ଭାବେ ପରିଚିତ ଆମିର ଖାଁ ସୁନ୍ଦର ଅଭିନୟ ଏବଂ ଫିଲ୍ମ ଚୟନ କ୍ଷମତା ପାଇଁ ଅନ୍ୟ କଳାକାରଙ୍କଠାରୁ ସମ୍ପୂର୍ଣ୍ଣ ଭିନ୍ନ। ବ୍ୟକ୍ତିଗତ ଜୀବନରେ ମଧ୍ୟ ସେ ବହୁତ ପ୍ରାକ୍ଟିକାଲ। ତେବେ ଏହି ମିଷ୍ଟର ପରଫେକ୍ଟଙ୍କ ପାଇଁ ଦିବଙ୍ଗତ ଅଭିନେତ୍ରୀ ଦିବ୍ୟା ଭାରତୀଙ୍କୁ ଏକଦା କାନ୍ଦିବାକୁ ପଡ଼ିଥିଲା।
ଆମିର ଏବଂ ଦିବ୍ୟାଙ୍କ ମଧ୍ୟରେ ବିବାଦ ଲଣ୍ଡନରୁ ଆରମ୍ଭ ହୋଇଥିଲା। ସେଠାରେ ଆମିର, ଦିବ୍ୟାଙ୍କ ସହ ସୁନୀଲ ସେଠୀ, ରବୀନା ଟଣ୍ଡନ, ଜୁହି ଚାଓ୍ବଲା ଏବଂ ସଲମାନ୍ ଖାନ୍ ପରଫର୍ମ କରିବାର ଥିଲା। ମାତ୍ର ଦିବ୍ୟା କେତୋଟି ଷ୍ଟେପ୍ ଭୁଲିଯାଇଥିଲେ। ଏକଥା ଆମିର ଜାଣିପାରିଥିଲେ। ତେଣୁ ସେ ତାଙ୍କ ସହ ପରଫର୍ମ କରିବାକୁ ମନା କରିଦେଇଥିଲେ। ଏହା ଦିବ୍ୟାଙ୍କୁ ଭାରି ଖରାପ ଲାଗିଥିଲା। ତେଣୁ ସେ ବାଥ୍ରୁମ୍ରେ ବସି ଘଣ୍ଟାଏ ପର୍ଯ୍ୟନ୍ତ କାନ୍ଦିଥିଲେ। ଏ କଥା ନିଜେ ଦିବ୍ୟା ଏକ ସାକ୍ଷାତକାରରେ କହିଥିଲେ। ଏହି ସମୟରେ ସଲମାନ୍ ତାଙ୍କର ସାଥ୍ ଦେଇଥିବାରୁ ସେ ତାଙ୍କୁ ଧନ୍ୟବାଦ ମଧ୍ୟ ଜଣାଇଥିଲେ।