ଓ୍ବାଶିଂଟନ,୩।୪: କରୋନା ଭାଇରସ ସଂକ୍ରମଣ ଏବେ ସାରା ବିଶ୍ୱ ପାଇଁ ଚିନ୍ତାର କାରଣ ପାଲଟିଛି। ଚାଇନାରୁ ଆରମ୍ଭ ହୋଇଥିବା ଏହି କରୋନା ଭାଇରସ ଏବେ ଆମେରିକା ଓ ଇଟାଲୀରେ ତାଣ୍ଡବ ରଚୁଛି। ଗୋଟିଏ ଦିନରେ ଏଠାରେ କରୋନା ଯୋଗୁ ଶହ ଶହ ଲୋକଙ୍କ ମୃତ୍ୟୁ ହେଉଥିବା ବେଳେ ଏବେ ଏହା ବିଶ୍ୱର ଶକ୍ତିଶାଳୀ ଦେଇ ଆମେରିକା ପାଇଁ ଏକ ଚ୍ୟାଲେଞ୍ଚ ହୋଇ ଠିଆ ହୋଇଛି। ତେବେ ୩ ବର୍ଷ ପୂର୍ବରୁ ଆମେରିକାକୁ କରୋନା ସମ୍ପର୍କିତ ଚେତାବନୀ ମିଳିଥିଲା ବୋଲି କୁହାଯାଉଛି। ଡେଲି ମେଲର ଏକ ରିପୋର୍ଟ ଅନୁଯାୟୀ, ହ୍ବାଇଟ ହାଉସ ବା ଟ୍ରମ୍ପ ପ୍ରଶାସନକୁ ୩ ବର୍ଷ ପୂର୍ବରୁ କରୋନା ସମ୍ପର୍କିତ ଚେତାବନୀ ମିଳିସାରିଥିଲା। ଅର୍ଥାତ୍ ୨୦୧୭ରେ ଦ ନେଶନ ମାଧ୍ୟମରେ ପ୍ରଥମେ କରୋନାକୁ ନେଇ ଆମେରିକା ପ୍ରଶାସନକୁ ଚେତାବନୀ ମିଳିଥିବା ବେଳେ ସେ କିନ୍ତୁ ପ୍ରସ୍ତୁତ ନ ଥିବା କୁହାଯାଇଛି। ୨୦୧୨ରେ ଆସିଥିବା ମର୍ସର ଅଧ୍ୟୟନ ପରେ ଏହି ଚେତାବନୀ ଜାରି କରାଯାଇଥିଲା। ପ୍ରାୟ ୧୦୩ ଫୃଷ୍ଠାର ଡକ୍ୟୁମେଣ୍ଟରେ କରୋନା ସମ୍ପର୍କରେ ଉଲ୍ଲେଖ କରାଯିବା ସହ ଏହା ମାହାମାରୀ ଭଳି ବିଶ୍ୱର ଅନେକ ଦେଶକୁ ସଂକ୍ରମଣ କରିବ ବୋଲି କୁହାଯାଇଥିଲା।
