ଓ୍ବାଶିଂଟନ୍, ୨୧।୭: ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନ୍ ତିନିଦିବସୀୟ ଆମେରିକା ଗସ୍ତରେ ଯାଇଛନ୍ତି। ସେଠାରେ ପହଞ୍ଚିବା ପରେ ତାଙ୍କ ହଟହଟା ହେବାକୁ ପଡିଛି। ଆମେରିକାର କୌଣସି ବରିଷ୍ଠ ଅଧିକାରୀ ତାଙ୍କୁ ସ୍ବାଗତ କରିବାକୁ ବିମାନବନ୍ଦର ଆସି ନ ଥିଲେ। ଶେଷରେ ତାଙ୍କ ମେଟ୍ରୋ ଟ୍ରେନ୍ରେ ବସି ହୋଟେଲ ଯିବାକୁ ପଡିଥିଲା। ଇମ୍ରାନଙ୍କୁ ନେବା ପାଇଁ ପାକିସ୍ତାନର ବୈଦେଶିକ ମନ୍ତ୍ରୀ ଶାହ ମେହମୁଦ କୁରେସୀ ଏବଂ ଆମେରିକାରେ ରହୁଥିବା କିଛି ପାକିସ୍ତାନ ଲୋକ ବିମାନବନ୍ଦରକୁ ଆସିଥିଲେ। ସୋମବାର ଇମ୍ରାନ ଆମେରିକା ରାଷ୍ଟ୍ରପତି ଡୋନାଲ୍ଡ ଟମ୍ପଙ୍କୁ ଭେଟିବାର କାର୍ଯ୍ୟକ୍ରମ ରହିଛି। ସୂଚନାଯୋଗ୍ୟ, ପାକିସ୍ତାନରେ ଏବେ ଆର୍ଥିକ ମାନ୍ଦାବସ୍ଥା ଦେଖି ଆମେରିକା ଗସ୍ତରେ ଚାଟର୍ଡ ବିମାନ ବଦଳରେ ସାଧାରଣ ଏୟାରଓ୍ବେଜ୍ ବିମାନରେ ଯିବାକୁ ନିଷ୍ପତ୍ତି ନେଇଥିଲେ।