ଓ୍ବାଶିଂଟନ/ତେହେରାନ,୮।୧: ଆମେରିକା ଏବଂ ଇରାନ ମଧ୍ୟରେ ଜାରି ରହିଥିବା ଅଘୋଷିତ ଯୁଦ୍ଧ ନେଇ ଅନ୍ତର୍ଜାତୀୟ କ୍ଷେତ୍ରରେ ନାନା କଳ୍ପନା ଜଳ୍ପନା ଆରମ୍ଭ ହୋଇଛି। ଯଦି ଉଭୟ ଦେଶ ମଧ୍ୟରେ ଯୁଦ୍ଧ ଘୋଷଣା ହୁଏ ଏହାର ପ୍ରଭାବ ପୃଥିବୀର ପ୍ରତିଟି ଦେଶରେ ପଡ଼ିବ ବୋଲି କୁହାଯାଉଛି। ଏବେ ଦୁଇ ଦେଶର ସ୍ଥଳ,ଜଳ ଓ ବାୟୁସେନାର କେତେ ଶକ୍ତି ରହିଛି ଏବଂ ଉଭୟଙ୍କ ପାଖରେ ଥିବା ଯୁଦ୍ଧ ବିମାନ, ଯୁଦ୍ଧପୋତ ତଥା ଅସ୍ତ୍ରଶସ୍ତ୍ର ନେଇ ଚର୍ଚ୍ଚା ଆରମ୍ଭ ହୋଇଛି। ଆମେରିକା ପାଖରେ ୨୧ ଲକ୍ଷ ୪୧ ହଜାର ୯ଶହ ସୈନ୍ୟ ରହିଛନ୍ତି। ୧୨ ଲକ୍ଷ ୮୧ ହଜାର ୯ଶହ ସୈନ୍ୟ ସକ୍ରିୟ ଥିବା ବେଳେ ୮ ଲକ୍ଷ ୬୦ ହଜାର ରିଜର୍ଭ ସୈନ୍ୟ ରହିଛି। ସେହିପରି ୧୩ ହଜାର ୩ ଶହ ୯୮ ବିମାନ, ୨ ହଜାର ୩ ଶହ ୬୨ ଯୁଦ୍ଧ ବିମାନ, ୫ ହଜାର ୭ ଶହ ୬୦ ହେଲିକପ୍ଟର ରହିଛି। ଏହା ସହିତ ୬ ହଜାର ୨ ଶହ ୮୭ ଟ୍ୟାଙ୍କ୍, ୩୯ ହଜାର ୨ ଶହ ୨୩ ଯୁଦ୍ଧ ଯାନ, ୯ ଶହ ୯୨ ସ୍ବୟଂଚାଳିତ ତୋପ, ୮ ଶହ ୬୪ ଅନ୍ୟ ତୋପ, ୧ ହଜାର ୫୬ ରକେଟ ପ୍ରୋଜେକ୍ଟର ରହିଛି। ଆମେରିକା ପାଖରେ ୪ ଶହ ୧୫ ନାଭାଲ୍ ଆସେଟ୍, ୨୪ ଏୟାର କ୍ରାଫ୍ଟ କ୍ୟାରିଅର, ୨୨ ଫ୍ରିଗେଟ୍, ୬୮ ଡେଷ୍ଟ୍ରୟର, ୧୫ କୋର୍ବେଟସ୍, ୬୮ ସବମେରିନ୍, ୧୩ ପାଟ୍ରୋଲ ଭେସଲ୍ ରହିଛି। ସେହିପରି ଇରାନ୍ ପାଖରେ ୮ ଲକ୍ଷ ୭୩ ହଜାର ସୈନ୍ୟ ରହିଛନ୍ତି। ୫ ଲକ୍ଷ ୨୩ ହଜାର ସୈନ୍ୟ ସକ୍ରିୟ ଥିବା ବେଳେ ୩ ଲକ୍ଷ ୫୦ ହଜାର ରିଜର୍ଭ ସୈନ୍ୟ ରହିଛି। ସେହିପରି ଇରାନ ପାଖରେ ୫ ଶହ ୯ ବିମାନ, ଶହେ ୪୨ ଯୁଦ୍ଧ ବିମାନ, ଶହେ ୨୬ ହେଲିକପ୍ଟର ରହିଛି। ଏହା ସହିତ ହଜାରେ ୬ ଶହ ୩୪ ଟ୍ୟାଙ୍କ୍, ୨ ହଜାର ୩ ଶହ ୪୫ ଯୁଦ୍ଧ ଯାନ, ୫ ଶହ ୭୦ ସ୍ବୟଂଚାଳିତ ତୋପ, ୨ ହଜାର ୧ ଶହ ୨୮ ଅନ୍ୟ ତୋପ, ୧ ହଜାର ୯ ଶହ ରକେଟ ପ୍ରୋଜେକ୍ଟର ରହିଛି। ଇରାନ ପାଖରେ ୩ ଶହ ୯୮ ନାଭାଲ୍ ଆସେଟ୍, ୬ ଫ୍ରିଗେଟ୍, ୩ କୋର୍ବେଟସ୍, ୩୪ ସବମେରିନ୍, ୮୮ ପାଟ୍ରୋଲ ଭେସଲ୍ ରହିଛି। ଇରାନ୍ ପାଖରେ କୌଣସି ଡେଷ୍ଟ୍ରୟର ଏବଂ ଏୟାର କ୍ରାଫ୍ଟ କ୍ୟାରିଅର ନାହିଁ।