ନୂଆଦିଲ୍ଲୀ,୧୨-୧୨: କୁଏଟକୁ ପଛରେ ପକାଇ ଯୁକ୍ତରାଷ୍ଟ୍ର ଆମେରିକା ଭାରତ ଲାଗି ୬ଷ୍ଠବୃହତ୍ ତୈଳ ଯୋଗାଣକାରୀ ସ୍ଥାନ ହାସଲ କରିଛି। ଚଳିତ ବର୍ଷ ଏପ୍ରିଲ-ନଭେମ୍ବର ସମୟରେ ଆମେରିକା ଭାରତକୁ ୭୦%ରୁ ଉର୍ଦ୍ଧ୍ୱ ଅଶୋଧିତ ତୈଳ ଯୋଗାଇଛି। ପାର୍ଲାମେଣ୍ଟାରୀ କମିଟି ଡାଟା ମୁତାବକ ଆମେରିକା ଏହି ସମୟରେ ୫.୪ ନିୟୁତ ଟନ୍ ଅଶୋଧିତ ତୈଳ ଯୋଗାଣ କରିଛି। ଗତ ବର୍ଷ ସମାନ ସମୟରେ ଏହା ୩.୧ ନିୟୁତ ଟନ୍ ରହିଥିଲା। ୨୦୧୭ରେ ଆମେରିକାଠାରୁ ଭାରତ ଇନ୍ଧନ ଆମଦାନୀ କରିଥିଲା। ଏହା ୨୦୧୭-୧୮ରେ ଆମେରିକାରୁ ୧.୯ ନିୟୁତ ଟନ ଏବଂ ୨୦୧୮-୧୯ରେ ୬.୨ ନିୟୁତ ଟନ ଅଶୋଧିତ ତୈଳ ଆଣିଛି। ଭାରତକୁ ଇନ୍ଧନ ଯୋଗାଣ କ୍ଷେତ୍ରରେ ଇରାକ ଲଗାତର ଭାବେ ପ୍ରଥମ ସ୍ଥାନରେ ରହିଛି। ଏହା ଦେଶର ମୋଟ ଶକ୍ତି ଚାହିଦାର ଏକ ଚତୁର୍ଥାଂଶ ପୂରଣ କରୁଛି। ଚଳିତ ବର୍ଷ ଏପ୍ରିଲଠାରୁ ସେପ୍ଟେମ୍ବର ମଧ୍ୟରେ ଇରାକ ଭାରତକୁ ୨୬ ନିୟୁତ ଟନ ତୈଳ ବିକ୍ରି କରିଛି।