ବାହାନଗା,୨୨ା୯(ଡି.ଏନ.ଏ.)-ବାହାନଗା ବ୍ଲକ ଖନ୍ତାପଡାସ୍ଥିତ ୧୬ ନମ୍ବର ଜାତୀୟ ରାଜପଥ ଚିତାପଦା ଡାଇଭର୍ଶନଠାରେ ସୋମବାର ଏକ ଆମ୍ବଲାନ୍ସ ପଛପଟୁ ଗୋରୁ ବୋଝେଇ ପିକଅପ୍ ଭ୍ୟାନ ଧକ୍କା ଦେଇଥିଲା ା ଫଳରେ ଆମ୍ବଲାନ୍ସର ହେଲପର୍ ଗୁରୁତର ଆହତ ହୋଇଛନ୍ତି। ଉତ୍ତ୍ୟକ୍ତ ଲୋକେ ଗୋରୁ ବୋଝେଇ ପିକ୍ଅପ୍ ମଧ୍ୟରୁ ୧୦ରୁ ଊର୍ଦ୍ଧ୍ୱ ଗୋରୁକୁ ଉଦ୍ଧାର କରିଛନ୍ତି।
ସୋମବାର ସୋର ଅଞ୍ଚଳରୁ ଏକ ଆମ୍ବୁଲାନ୍ସ (ନଂ.ଓଡି-୦୨-ଜି-୧୭୩୦) ବାଲେଶ୍ୱର ମୁଖ୍ୟ ଚିକିତ୍ସାଳୟକୁ ଜଣେ ରୋଗୀଙ୍କୁ ନେଇଯାଉଥିଲେ। ଖନ୍ତାପଡାସ୍ଥିତ ଚିତ୍ତାପଦା ଡାଇଭର୍ଶନ୍ଠାରେ ଏକ ମୋଟର ସାଇକେଲ ଆମ୍ବୁଲାନ୍ସ ସାମନା ଦେଇ ପାସ୍ କରିଯିବାରୁ ଆମ୍ବୁଲାନ୍ସ ବ୍ରେକ ମାରି ନିଜର ବେଗ କମାଇଥିଲା। ଫଳରେ ସେହି ସମୟରେ ପଛପଟୁ ଆସୁଥିବା ଏକ ଗୋରୁ ବୋଝେଇ ପିକଅପ୍ (ନଂ.ଓଆର-୦୧କେ-୨୧୬୩) ଆମ୍ବୁଲାନ୍ସ ସହ ପିଟି ହୋଇଯାଇଥିଲା। ଆମ୍ବୁଲାନ୍ସ ହେଲପର ସୁଶାନ୍ତ ସ୍ବାଇଁ ଆହତ ହୋଇଥିଲେ। ତାଙ୍କୁ ଚିକିତ୍ସା ପାଇଁ ଖନ୍ତାପଡା ଗୋଷ୍ଠୀ ଚିକିତ୍ସାଳୟରେ ଭର୍ତ୍ତି କରାଯାଇଛି। ତେବେ ଲୋକମାନେ ଉତ୍ତ୍ୟକ୍ତ ହୋଇ ଗୋରୁ ବୋଝେଇ ପିକ୍ଅପ୍କୁ ଅଟକାଇ ସେଥିରୁ ବେଆଇନ ଭାବେ ଚାଲାଣ ହେଉଥିବା ୧୦ରୁ ଊର୍ଦ୍ଧ୍ୱ ଗୋରୁଙ୍କୁ ଉଦ୍ଧାର କରିଥିଲେ। ସେଥିମଧ୍ୟରୁ ଗୋଟିଏ ଗୋରୁର ମୃତ୍ୟୁ ହୋଇଛି। ଖବରପାଇ ଖନ୍ତାପଡା ଥାନା ପୋଲିସ୍ ପହଞ୍ଚି ଦୁର୍ଘଟଣା ଘଟାଇଥିବା ପିକଅପ୍କୁ ଜବତ କରିଛି। ଏହି ପିକଅପ୍ ଭଦ୍ରକ ଜିଲା ବେତଡା ହାଟରୁ ଗୋରୁ ବୋଝେଇ କରି ପଶ୍ଚିମବଙ୍ଗ ଯାଉଥିଲା।