ପାଟଣା, ୨୫ା୪(ସ୍ବ.ପ୍ର.)-ସାରାଦେଶ କରୋନା ପାଇଁ ଲକ୍ଡାଉନ ଥିବା ବେଳେ କେତେକ ଲୋକ ଗଳାବାଟ ଦେଇ ଆଇନ ଉଲ୍ଲଂଘନ କରିବାକୁ ପଛାଉନାହାନ୍ତି। କେନ୍ଦୁଝର ଜିଲା ପାଟଣା ଥାନା ଉଦୟପୁର ଗ୍ରାମର ଜଣେ ଘରୋଇ ଆମ୍ବୁଲାନ୍ସ ଚାଳକ ଗୁରୁବାର ସାରେ ଲକ୍ଡାଉନକୁ ଉଲ୍ଲଂଘନ କରି ଯାଜପୁର ଜିଲା ମଙ୍ଗଳପୁର ଥାନା ଜୟୀନ୍ତିରା ଗ୍ରାମରୁ ୩ଜଣ ପାସେଞ୍ଜରଙ୍କୁ ନିଜ ଗାଁକୁ ଆଣିଥିବା ସୂଚନା ମିଳିଛି। ଖବରପାଇ ପାଟଣା ପୋଲିସ ଏକ ମାମଲା (ନଂ. ୭୧/୨୦ ) ରୁଜୁ କରି ତଦନ୍ତ ଜାରି ରଖିଛି। ଶୁକ୍ରବାର କେନ୍ଦୁଝର ଟାଉନ ଥାନା ଅଞ୍ଚଳରୁ ପାଟଣା ପୋଲିସ ଆମ୍ବୁଲାନ୍ସ ଜବତ କରିଛି। ପାସେଞ୍ଜରଙ୍କୁ ଉଦୟପୁର ଆଣିବା ପାଇଁ ଉକ୍ତ ଚାଳକ ୫ ହଜାର ଟଙ୍କା ନେଇଥିବା ପୋଲିସ ନିକଟରେ ସ୍ବୀକାର କରିଛନ୍ତି। ଆମ୍ବୁଲାନ୍ସ ଚାଳକଙ୍କୁ ନୋଟିସ ଦେଇ ପୋଲିସ ଛାଡି ଦେଇଛି।