ଆରଡି, ୨୭ା୧୧(ଡି.ଏନ.ଏ.)-ଭଦ୍ରକ ଜିଲାର ପ୍ରସିଦ୍ଧ ବାବା ଆଖଣ୍ଡଳମଣିଙ୍କ ପୀଠ ଆରଡିକୁ ପ୍ଲାଷ୍ଟିକ ମୁକ୍ତ କରିବାକୁ ପ୍ରୟାସ ଜାରି ରହିଛି ା ମଙ୍ଗଳବାର ପୂର୍ବାହ୍ଣରେ ଏହି ଉପଲକ୍ଷେ ଏକ ସଚେତନତା ଶୋଭାଯାତ୍ରା ଆୟୋଜନ କରାଯାଇଥିଲା। ଜିଲା ଜଜ କୋର୍ଟର ବିଚାରପତି ଏସ.କେ. ରଥ ଏହି କାର୍ଯ୍ୟକ୍ରମକୁ ଆନୁଷ୍ଠାନିକ ଭାବେ ଉଦ୍ଘାଟନ କରିଥିଲେ ା ତାଙ୍କ ସହ ଭଦ୍ରକ ଉପଜିଲାପାଳ ତଥା ମ୍ୟାନେଜିଂ ଟ୍ରଷ୍ଟି ପୀତାମ୍ବର ସାମଲ ସମାରୋହରେ ଯୋଗ ଦେଇଥିଲେ ା
ଆରଡି ବସ୍ଷ୍ଟାଣ୍ଡରୁ ସରପଞ୍ଚ ଅରବିନ୍ଦ ପାଢୀଙ୍କ ନେତୃତ୍ୱରେ ପଞ୍ଚାୟତର ଶହଶହ ବ୍ୟକ୍ତି, ଅଙ୍ଗନଓାଡି କର୍ମୀ, ସ୍ବୟଂ ସହାୟକ ଗୋଷ୍ଠୀର ସଦସ୍ୟା, ଆଖଣ୍ଡଳମଣି ସରକାରୀ ଉଚ୍ଚ ବିଦ୍ୟାଳୟର ଛାତ୍ରୀଛାତ୍ର, ସ୍ଥାନୀୟ ବାବାମଣି ଡିଗ୍ରୀ କଲେଜ, ଆଖଣ୍ଡଳମଣି ମହାବିଦ୍ୟାଳୟର ଛାତ୍ରୀଛାତ୍ର ଶୋଭାଯାତ୍ରାରେ ବାହାରି ବଜାର ପରିକ୍ରମା କରିି ଜନସଚେତନତା ସୃଷ୍ଟି କରିଥିଲେ ା ଆରଡି ପୀଠକୁ ପ୍ଲାଷ୍ଟିକ ମୁକ୍ତ ରଖିବା ଲାଗି ସ୍ଥାନୀୟ ଜନସାଧାରଣ, ବ୍ୟବସାୟୀ ଓ ଶ୍ରଦ୍ଧାଳୁମାନଙ୍କର ସହଯୋଗ ଆବଶ୍ୟକ ବୋଲି ଉଦ୍ଘାଟକ କହିଥିଲେ ା ପୀଠକୁ କେବଳ ପ୍ଲାଷ୍ଟିକ ମୁକ୍ତ ନୁହେଁ ଏହାକୁ ପରିଷ୍କାର ପରିଚ୍ଛନ୍ନ ରଖିବାକୁ ସମସ୍ତେ ଶପଥ ନେବା ଆବଶ୍ୟକ ବୋଲି ଉପଜିଲାପାଳ କହିଥିଲେ। ଧୂଷୁରୀ ଥାନାଧିକାରୀ ପ୍ରଫୁଲ୍ଲ କୁମାର ସିଂ, ଆରଡି ଫାଣ୍ଡି ଅଧିକାରୀ ପ୍ରଦୀପ ନାୟକ, ଆରଡି ରାଜସ୍ବ ନିରୀକ୍ଷକ ଦେବାଶିଷ ରାୟ, ଜିଆରଏସ ସତ୍ୟ ରଞ୍ଜନ ପତି, ଆରଡି ସମିତି ସଭ୍ୟା ସବିତା ପାଢୀ, ବିଜୟ କୁମାର ଦାଶ, ଆଶିଷ ପାଢୀ, ଗିରିଶ ପାଢୀ, ସଞ୍ଜୟ ପାଢୀ, ବିଭୂତି ପାଢୀ ପ୍ରମୁଖ ପ୍ଲାଷ୍ଟିକମୁକ୍ତ ସଚେତନତା ଶୋଭାଯାତ୍ରାରେ ସାମିଲ ହୋଇଥିଲେ ା ପ୍ଲାଷ୍ଟିକ ମୁକ୍ତ ପରିବେଶ ଗଠନ ସାଙ୍ଗକୁ ଏହି ପୀଠକୁ ଅଳିଆ ମୁକ୍ତ କରିବାକୁ ଏହି ଅବସରରେ ଲୋକେ ସଂକଳ୍ପ ନେଇଥିଲେ ା
ଉଲ୍ଲେଖନୀୟ ଯେ, ସୋମବାରଠାରୁ ଆରଡିରେ ପ୍ଲାଷ୍ଟିକ ବ୍ୟବହାର ଉପରେ ପୂର୍ଣ୍ଣ କଟକଣା ଲଗାଯାଇଛି ା ଏଣୁ ମଙ୍ଗଳବାରଠାରୁ ଭୋଗ ଦୋକାନୀମାନେ ପ୍ଲାଷ୍ଟିକ ଥଳି ବଦଳରେ ଶାଳପତ୍ର ନିର୍ମିତ ଠୁଙ୍ଗା ତିଆରି କରି ବାଙ୍କ ପାଖରେ ନୈବେଦ୍ୟ ଅର୍ପଣ କରୁଥିବା ଦେଖିବାକୁ ମିଳିଛି ା ଖାଲି ଆରଡିର ଜନସାଧାରଣ ନୁହନ୍ତି, ସ୍ଥାନୀୟ ଅଞ୍ଚଳର ବହୁ ବ୍ୟକ୍ତି ଏ ପ୍ରକାର ଜନସଚେତନ କାର୍ଯ୍ୟକ୍ରମକୁ ସ୍ବାଗତ କରିଥିଲେ।