ପଶ୍ଚିମ ଏସିଆରେ ରହିଛି ଆର୍ମେନିଆ। ୟେରେଭାନ୍ ହେଉଛି ଏହାର ରାଜଧାନୀ, ଯାହା ଦେଶର ବୃହତ୍ ସହର ଭାବେ ପରିଚିତ। ଏଠାର ଅଧିକାଂଶ ଲୋକ ଖ୍ରୀଷ୍ଟିଆନ୍ ଧର୍ମାବଲମ୍ବୀ। ତେବେ ଜାଣନ୍ତୁ ଏହି ଦେଶ ସମ୍ପର୍କରେ ଆଉ କିଛି ରୋଚକ ତଥ୍ୟ…
ଖ୍ରୀଷ୍ଟିଆନ୍ ଧର୍ମକୁ ଗ୍ରହଣ କରିବାରେ ଆର୍ମେନିଆ ହେଉଛି ପ୍ରଥମ ଦେଶ। ଏଠାରେ ପ୍ରାୟ ୯୭% ଲୋକ ଏହି ଧର୍ମ ଗ୍ରହଣ କରିଛନ୍ତି। ପୃଥିବୀର ସବୁଠୁ ସୁନ୍ଦର ଏବଂ ପ୍ରଥମ ଚର୍ଚ୍ଚ ‘ଏକ୍ମିଆଚିନ୍ କାଥେଡ୍ରାଲ’କୁ ଏଠାରେ ଦେଖିବାକୁ ପାଇବେ ।
ପୃଥିବୀର ସବୁଠୁ ପୁରୁଣା ସହର ଭାବେ ଏହା ଜଣାଶୁଣା। ରାଜା ଆରଗିଷ୍ଠିଙ୍କ ଦ୍ୱାରା ୭୮୨ ଖ୍ରୀଷ୍ଟାବ୍ଦରେ ଏହା ପ୍ରତିଷ୍ଠା ହୋଇଥିଲା। ୨୦୧୮ ମସିହାରେ ଏହି ସହର ତା’ର ୨୮୦୦ତମ ଆନିଭର୍ସାରୀ ପାଳନ କରିଛି।
ପୃଥିବୀର ପ୍ରଥମ ‘ଏରିଥ୍ମେଟିକ୍ ପ୍ରୋବେଲ୍ମ ଟେକ୍ସବୁକ୍’ ଆର୍ମେନିଆର ଗଣିତଜ୍ଞ ମେସ୍ରପ ମାର୍ସ୍ଟ୍ସଙ୍କ ଦ୍ୱାରା ପ୍ରସ୍ତୁତ ହୋଇଥିଲା।
୨୦୦୮, ସେପ୍ଟେମ୍ବରରେ ଆରେନି ଗ୍ରାମରେ ପୃଥିବୀର ସବୁଠାରୁ ପୁରୁଣା ଶୁ’ ଆବିଷ୍କାର ହୋଇଥିଲା, ଯାହା ଛେଳି ଶିଙ୍ଗରେ ତିଆରି ହୋଇଥିଲା। ଏହାର ବ୍ୟାସ ଥିଲା ୪୪ ସେ.ମି।
ଏଠାର ଅଧିବାସୀମାନଙ୍କ ପ୍ରିୟ ଖେଳ ହେଉଛି ଚେସ୍। ୨୦୧୧ ମସିହାଠାରୁ ପ୍ରତ୍ୟେକ ଶ୍ରେଣୀରେ ଏହାକୁ ‘କମ୍ପଲ୍ସରି ବିଷୟ’ ଭାବେ ସାମିଲ କରାଯାଇଛି।
ରାଜଧାନୀ ୟେରେଭାନ୍ରେ ଥିବା ସମସ୍ତ କୋଠାର କାନ୍ଥ ପିଙ୍କ୍ କଲର୍ ପଥରରେ ତିଆରି ହୋଇଥିବାରୁ ଏହାକୁ ଅନେକ ଲୋକ ”ପିଙ୍କ୍ ସିଟି“ ଭାବେ ମଧ୍ୟ ବିବେଚନା କରିଥା’ନ୍ତି।
ଆର୍ମେନିଆରେ ଥିବା ଚର୍ଚ୍ଚଗୁଡ଼ିକୁ ଯିବା ପାଇଁ ପ୍ରବେଶ ଶୁଳ୍କ ବା ଏଣ୍ଟ୍ରି ଫି’ ଫ୍ରି ଥାଏ। ଏଠାରେ ଉଭୟ ଟୁରିଷ୍ଟ ଏବଂ ଅଧିବାସୀମାନଙ୍କ ପାଇଁ ସମାନ ପ୍ରକାର ସୁବିଧା ରହିଛି।
ଏଠାରେ ଏକ ଅଜବ ନିୟମ ରହିଛି। ରାତିରେ ସ୍ଥାନୀୟ ଲୋକମାନେ ଗିଟାର, ଡ୍ରମ୍, ପିଆନୋ କିମ୍ବା ଅନ୍ୟ ଇନ୍ଷ୍ଟ୍ରୁମେଣ୍ଟ ବଜାଇ ପାରିବେ ନାହିଁ। ଆଉ ଯିଏ ଏହାର ନିୟମ ଉଲ୍ଲଂଘନ କରିବେ, ସେମାନଙ୍କୁ କୋର୍ଟ ଦ୍ୱାରସ୍ଥ ହେବାକଚ ପଡିଥାଏ।