କାଇରୋ,୨୦।୭(ଏଏଫ୍ପି)- ଦୀର୍ଘ ୨୯ ବର୍ଷ ପରେ ଆଲଜେରିଆ ପ୍ରଥମ ଥର ପାଇଁ ଆଫ୍ରିକାନ କପ୍ ହାତେଇଛନ୍ତି। ଶୁକ୍ରବାର ଅନୁଷ୍ଠିତ ଫାଇନାଲରେ ସେନେଗାଲକୁ ୧-୦ ଗୋଲରେ ହରାଇ ଆଲଜେରିଆ ଏହି ସଫଳତା ପାଇଛି। ଚାମ୍ପିୟନ ଦଳ ଲାଗି ବାଗଦାଦ ବୌନେଡଜା ଏକମାତ୍ର ଗୋଲ ଦେଇଥିଲେ। ମ୍ୟାଚ୍ର ଦ୍ୱିତୀୟ ମିନିଟରେ ହୋଇଥିବା ଗୋଲ ଫଳାଫଳ ନିର୍ଣ୍ଣୟ କରିବା ପାଇଁ ଯଥେଷ୍ଟ ସାବ୍ୟସ୍ତ ହୋଇଥିଲା। ତେବେ ଆଲଜେରିଆ ମୋଟ ଉପରେ ଦ୍ୱିତୀୟ ଓ ବିଦେଶୀ ମାଟିରେ ପ୍ରଥମ ଥର ପାଇଁ ଆଫ୍ରିକାର ସବୁଠୁ ବଡ଼ ଟୁର୍ନାମେଣ୍ଟ ଜିତିଛି। ଦଳ ପ୍ରଥମ ଥର ୧୯୯୦ରେ ଆୟୋଜକ ଦଳ ଭାବେ ଚାମ୍ପିୟନ ହୋଇଥିଲା। ମୁଁ ବହୁତ ଖୁସି। ଆମ ପୂରା ଦେଶବାସୀ ଦୀର୍ଘ ବର୍ଷ ହେଲା ଦ୍ୱିତୀୟ ଆଫ୍ରିକାନ ଟ୍ରଫି ପାଇଁ ଅପେକ୍ଷା କରିଥିଲେ। ଦଳ ପ୍ରଥମ ଥର ପାଇଁ ବିଦେଶରେ ଟୁର୍ନାମେଣ୍ଟ ଜିତିଛି। ଏଣୁ ଏହା ଆମ ଲାଗି ସ୍ବତନ୍ତ୍ର ବିଜୟ ବୋଲି ଚାମ୍ପିୟନ ଆଲଜେରିଆ ଦଳର କୋଚ୍ ଜାମେଲ ବେଲମାଡି କହିଛନ୍ତି।