କାଇରୋ,୨୧ା୭(ପି.ଟି.): ବାଗ୍ଦାଦ୍ ବୈନେଦଜାଙ୍କ ପ୍ରାରମ୍ଭିକ ଗୋଲ ଜରିଆରେ ଆଲଜେରିଆ ଆଫ୍ରିକା କପ୍ ଅଫ ନେସନସ ଟୁର୍ନାମେଣ୍ଟର ଦ୍ୱିତୀୟ ଟାଇଟଲ ହାସଲ କରିଛି। ଫାଇନାଲ ମ୍ୟାଚ୍ରେ ଏହି ଟିମ୍ ସେନେଗାଲକୁ ୧-୦ ଗୋଲରେ ପରାସ୍ତ କରିଥିବାବେଳେ ଦଳର କୋଚ ଜାମେଲ ବେଲମାଡ଼ି ଏହି ବିଜୟକୁ ଅବିଶ୍ୱସନୀୟ ବୋଲି କହିଛନ୍ତି। ଆଫ୍ରିକାର ସବୁଠୁ ଶକ୍ତିଶାଳୀ ଦଳ ସେନେଗାଲ ବିପକ୍ଷରେ ମ୍ୟାଚ୍ର ଦ୍ୱିତୀୟ ମିନିଟରେ ଗୋଲ ସ୍କୋର କରି ବାଗଦାଦ ଦଳକୁ ଅଗ୍ରଣୀ କରାଇଥିଲେ। ୧୯୯୦ରେ ଆଲଜେରିଆ ଏହି ଟୁର୍ନାମେଣ୍ଟ ଆୟୋଜନ କରି ଟାଇଟଲ ହାସଲ କରିଥିବାବେଳେ ୨୯ ବର୍ଷ ପରେ ବିଦେଶ ମାଟିରେ ଦ୍ୱିତୀୟ ଥର ଏହି ସଫଳତା ହାସଲ କରିଛି।