ବଲାଙ୍ଗୀର ଅଫିସ, ୨୪ା୪- ବଲାଙ୍ଗୀର ସହରର ଆଳୁ ଗୋମାମଗୁଡିକରେ କାର୍ଯ୍ୟରତ ଶ୍ରମିକଙ୍କୁ କରୋନା ସଚେତନତା ସହ ସ୍ବଚ୍ଛତା କିଟ୍ ଓ ମାସ୍କ ବଣ୍ଟନ କରାଯାଇଛି । ମାହେଶ୍ୱରୀ ସଙ୍ଗଠନ ଏବଂ ଭାଗ୍ୟଲକ୍ଷ୍ମୀ ସ୍ବୟଂ ସହାୟିକା ଗୋଷ୍ଠୀର ସଦସ୍ୟା, ସଦସ୍ୟମାନେ ସ୍ବଚ୍ଛତା କିଟ୍ ଏବଂ ମାସ୍କ ଆଣି ସେଠାରେ ଉପସ୍ଥିତ ଶ୍ରମିକଙ୍କୁ ବାଣ୍ଟିଥିଲେ । ସେଠାରେ କାମ କରିବା ସମୟରେ କିଭଳି ସାମାଜିକ ଦୂରତ୍ୱ ବଜାୟ ରଖିବେ, ସ୍ବଚ୍ଛତା ଅବଲମ୍ବନ କରିବେ, ସାନିଟାଇଜର ବ୍ୟବହାର, ବାରମ୍ବାର ସାବୁନ୍ରେ ହାତ ଧୋଇବା, ହାତକୁ ମୁହଁ, ପାଟି ଓ ଆଖିରେ ନ ଲଗାଇବାକୁ ଶ୍ରମିକମାନଙ୍କୁ ବୁଝାଇଥିଲେ। ସମଲେଶ୍ୱରୀ ମନ୍ଦିର ପାଖ ଆଳୁ ଗୋଦାମରେ କାର୍ଯ୍ୟରତ ଶ୍ରମିକଙ୍କୁ ସ୍ବଚ୍ଛତା କିଟ୍ ଓ ମାସ୍କ ବଣ୍ଟନ କରାଯାଇଥିଲା । ମାହେଶ୍ୱରୀ ସଙ୍ଗଠନର ଅଙ୍କୁଶ କୁମାର ପାଣ୍ଡିଆ, ଶୋଭନ କୁମାର ଅଗ୍ରୱାଲ, ସଚିତାନନ୍ଦ ମିଶ୍ର, ତୁଷାର ରଞ୍ଜନ ଦାଶ, ଶିବାନନ୍ଦ ସାହାଣୀ, ସୌମ୍ୟ ରଞ୍ଜନ ବେହେରା, ବିଷ୍ଣୁପ୍ରିୟା ପାଣି, ଇଶିକା ଦାସ, ସୋନିଆ ବେଜ୍, ନୂତନ ଦାସ, ଭାଗ୍ୟଲକ୍ଷ୍ମୀ ସୟଂ ସହାୟକ ଦଳର ରିତା ସାହୁ, ବନିତା ନାଗ ଉପସ୍ଥିତ ଥିଲେ ।