ଛୋଟ ପରଦାର ଚର୍ଚ୍ଚିତ ଶୋ’ ‘ବିଗ୍ ବସ୍-୧୩’ ମାଧ୍ୟମରେ ଚର୍ଚ୍ଚାକୁ ଆସିଥିଲେ ଆସିମ ରିୟାଜ ଏବଂ ପଞ୍ଜାବୀ ଅଭିନେତ୍ରୀ ହିମାଂଶୀ ଖୁରାନା। ଏହି ଯୋଡିଙ୍କୁ ମ୍ୟୁଜିକ ଭିଡିଓ ‘କାଲା ସୋନା ନଇଁ..’ରେ ଏକାଠି ଦେଖିବାକୁ ମିଳିଥିଲା। ପ୍ରଥମ ମ୍ୟୁଜିକ୍ ଭିଡିଓର ସଫଳତା ପରେ ପୁଣି ଥରେ ଏହି ଯୋଡି ଦର୍ଶକଙ୍କ ସମ୍ମୁଖକୁ ଆସିବାକୁ ରେଡ୍ଡି ହେଉଛନ୍ତି। ଆଉ ଏକ ମ୍ୟୁଜିକ୍ ଭିଡିଓ ‘ଖୟାଲ୍ ରଖନା’ରେ ସେମାନଙ୍କୁ ଦେଖିବାକୁ ମିଳିବ। ଆସିମ ଇନ୍ଷ୍ଟାଗ୍ରାମ୍ ସାଇଡ୍ରେ ଏହାର ଏକ ଫଟୋ ପୋଷ୍ଟକରି ଏହି ସୂଚନା ଦେଇଛନ୍ତି। ଏହି ନୂଆ ଗୀତ ଜୁନ୍ ୧୦ରେ ରିଲିଜ୍ ହେବାର ରହିଛି। ପୋଷ୍ଟରରେ ଆସିମ ଏବଂ ହିମାଂଶୀଙ୍କର କେମେଷ୍ଟ୍ରୀ ଦେଖିବାକୁ ମିଳୁଛି। ଏହି ଗୀତକୁ ଦର୍ଶକ ପସନ୍ଦ କରିବେ ବୋଲି ଆସିମ ଆଶା ରଖିଛନ୍ତି।
