ଭୁବନେଶ୍ୱର,୧୯।୫(ବ୍ୟୁରୋ): ‘ଅମ୍ଫନ୍’ ଏବେ ଅତିଭୀଷଣ ବାତ୍ୟାରେ ପରିଣତ ହୋଇସାରିଲାଣି। ଘଣ୍ଟାକୁ ୧୮ କିମି ବେଗରେ ଏହା ସ୍ଥଳଭାଗ ମୁହାଁ ହେଉଛି। ବୁଲବୁଲ୍ଠାରୁ ଏହାର ତିବ୍ରତା ଅଧିକ ରହିବ। ହେଲେ ସମାନ ଅଞ୍ଚଳରେ ଅମ୍ଫନର ପ୍ରଭାବ ପଡ଼ିବ। ମଙ୍ଗଳବାର ବିଳମ୍ବିତ ରାତିରୁ ଓଡ଼ିଶାର ଉପକୂଳବର୍ତ୍ତୀ ଅଞ୍ଚଳରେ ପବନର ବେଗ ବଢ଼ିପାରେ। ସନ୍ଧ୍ୟାରୁ ଉପକୂଳରେ ବର୍ଷା ଓ ପବନ ହେବ। ପ୍ରାୟତଃ ୫୦-୬୫, ୭୦-୭୫ କିମି ଭିତରେ ପବନର ବେଗ ରହିବ। ବୁଧବାର ସକାଳଠାରୁ ପବନର ବେଗ ବଢ଼ିବ। ଭୋଗରାଇ, ତାଳସାରି ଅଞ୍ଚଳରେ ପବନର ବେଗ ଅଧିକ ରହିବ। ଏସବୁ ଅଞ୍ଚଳରେ ପବନର ବେଗର ୧୦୦ରୁ ୧୨୫ କିମି ହୋଇପାରେ। ବୁଧବାର ଦିନ ୧୨ଟାରୁ ୨ ମଧ୍ୟରେ ଓଡ଼ିଶାର ଅତିକ୍ରମ କରିବ ବାତ୍ୟା। ହେଲେ ମଧ୍ୟାହ୍ନ ପରେ ୨-୩ଟା ପର୍ଯ୍ୟନ୍ତ ଏସବୁ ଅଞ୍ଚଳରେ ପବନର ବେଗ ଅଧିକ ରହିବା ନେଇ ଆକଳନ କରାଯାଉଛି। ପରେ ଏହା ଧିରେ ଧିରେ କମିବ। ବୁଲ୍ବୁଲଠାରୁ ଅଧିକ ପ୍ରଭାବ ରହିବ। ହେଲେ ବୁଲ୍ବୁଲ୍ ଯେଉଁ ସବୁ ଜିଲାକୁ ପ୍ରଭାବିତ କରିଥିଲା ସେହି ଜିଲାରେ ମଧ୍ୟ ଅମ୍ଫନର ପ୍ରଭାବ ପଡ଼ିବ ବୋଲି ଖବରଦାତା ସମ୍ମିଳନୀରେ ଏସ୍ଆର୍ସି ପ୍ରଦୀପ ଜେନା ସୂଚନା ଦେଇଛନ୍ତି।