ଲଣ୍ଡନ,୨୭ା୭(ଏ.ଏଫ୍.ପି.)
ଅଗଷ୍ଟ ୧ରୁ ଆରମ୍ଭ ହେବାକୁ ଥିବା ଆସେସ୍ ସିରିଜ ପାଇଁ ଶୁକ୍ରବାର ଅଷ୍ଟ୍ରେଲିଆର ୧୭ଜଣିଆ ଦଳ ଘୋଷଣା କରାଯାଇଛି। ୫ ମ୍ୟାଚ ବିଶିଷ୍ଟ ଏହି ସିରିଜ୍ ଲାଗି ଅଷ୍ଟ୍ରେଲିଆ ଦଳରେ ପୂର୍ବତନ ଅଧିନାୟକ ଷ୍ଟିଭ୍ ସ୍ମିଥ୍, ଡେଭିଡ୍ ଓ୍ବାର୍ନରଙ୍କ ସହ କ୍ୟାମେରନ ବ୍ୟାଙ୍କ୍ରଫ୍ଟଙ୍କୁ ସାମିଲ କରାଯାଇଛି। ଏହି ତିନି ଖେଳାଳି ଲମ୍ବା ନିଲମ୍ବନ ସମୟ ବିତାଇ ଅଷ୍ଟ୍ରେଲିଆ ଦଳକୁ ଫେରିବାରେ ସଫଳ ହୋଇଛନ୍ତି। ଗତବର୍ଷ ଦକ୍ଷିଣ ଆଫ୍ରିକାର କେପଟାଉନ୍ରେ ଅନୁଷ୍ଠିତ ଟେଷ୍ଟ ମ୍ୟାଚ୍ରେ ଏହି ତିନି ଖେଳାଳି ବଲ୍ ଟ୍ୟାମ୍ପରିଂ ଘଟଣାରେ ଧରାପଡ଼ିଥିଲେ। ପରେ କ୍ରିକେଟ ଅଷ୍ଟ୍ରେଲିଆ(ସିଏ) ସ୍ମିଥ୍ ଓ ଓ୍ବାର୍ନରଙ୍କୁ ୧୨ମାସ ଲେଖାଏଁ ଓ ବ୍ୟାଙ୍କ୍ରଫ୍ଟଙ୍କୁ ୯ମାସ ନିଲମ୍ବିତ କରିଥିଲା।
ଅଷ୍ଟ୍ରେଲିଆ ଦଳ: ଟିମ୍ ପେନ୍(ଉଇକେଟକିପର ଓ ଅଧିନାୟକ), କ୍ୟାମରନ୍ ବ୍ୟାଙ୍କ୍ରଫ୍ଟ, ପାଟ୍ରିକ୍ କମିନ୍ସ, ମାର୍କସ୍ ହାରିଶ, ଜୋଶ ହାଜଲଉଡ୍, ଟ୍ରେଭିସ୍ ହେଡ୍, ଉସ୍ମାନ ଖ୍ବାଜା, ମାର୍ନସ୍ ଲାବୁସଚେଞ୍ଜ୍, ନାଥନ ଲିୟନ, ମିଚେଲ୍ ମାର୍ଶ, ମିଚେଲ୍ ନେସର, ଜେମ୍ସ ପାଟିନସନ୍, ପିଟର ସିଡ୍ଲେ, ଷ୍ଟିଭ୍ ସ୍ମିଥ୍, ମିଚେଲ୍ ଷ୍ଟାର୍କ, ମାଥ୍ୟୁ ଓ୍ବାଡେ ଓ ଡେଭିଡ୍ ଓ୍ବାର୍ନର।
