ଫୁଲବାଣୀ ଅଫିସ/ଦାରିଙ୍ଗବାଡ଼ି/ବାଲିଗୁଡ଼ା(ଡି.ଏନ୍.ଏ.)୨୮ା୧୨-ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାରେ ଛନ୍ଦି ହୋଇପଡ଼ିଛନ୍ତି କନ୍ଧମାଳ ଜିଲା ଦାରିଙ୍ଗିବାଡ଼ି ବ୍ଲକ ବ୍ରାହ୍ମଣୀଗାଁ ଫରେଷ୍ଟର କୈଳାସ ଚନ୍ଦ୍ର ସାହୁ ା ଫୁଲବାଣୀ ସ୍ବତନ୍ତ୍ର ଭିଜିଲାନ୍ସ ଜଜ୍ଙ୍କ ନିର୍ଦ୍ଦେଶକ୍ରମେ ଶୁକ୍ରବାର ବାଲିଗୁଡା ବଜାର ସାହିରେ ଥିବା କୈଳାସଙ୍କ ଘର, ପୈତୃକ ଘର, ଗୁଳିମରା ସାହିରେ ଥିବା ଦୁଇ ମହଲା କୋଠା, ଇଲେକ୍ଟ୍ରି ସାହିରେ ଥିବା ଏକ କୋଠାଘର, ପଣସପଡ଼ିରେ ଥିବା ଭାଇଙ୍କ ଘର, ସାରଙ୍ଗଗଡ଼ରେ ଥିବା ବିଲ୍ଡିଂ ଏବଂ ବ୍ରାହ୍ମଣୀଗାଁ ସରକାରୀ କାର୍ଯ୍ୟାଳୟରେ ଏକକାଳୀନ ଚଢ଼ାଉ କରାଯାଇଛି। କୈଳାସଙ୍କ ସ୍ତ୍ରୀ ଶ୍ରଦ୍ଧାଞ୍ଜଳିଙ୍କ ନାମରେ ପ୍ରାୟ ସମସ୍ତ ସମ୍ପତ୍ତି ଠୁଳ କରାଯାଇଥିବା ଚଢ଼ାଉ ବେଳେ ଦେଖାଯାଇଛି।
ବାଲିଗୁଡ଼ା ଏବଂ ସାରଙ୍ଗଗଡ଼ରେ ୧,୫୫ ୮୫୦ ଟଙ୍କାର ଘରବାରି ପ୍ଲଟ, ସାରଙ୍ଗଗଡରେ ୮,୯୨,୭୧୦ ଟଙ୍କାର ବିଲ୍ଡିଂ, ଗୁଳିମରା ସାହିରେ ୨୩,୨୪,୧୨୦ ଟଙ୍କାର ଦୁଇ ମହଲା ବିଶିଷ୍ଟ କୋଠା, ଇଲେକ୍ଟ୍ର ିସାହିରେ ୧୦ ଲକ୍ଷ ଟଙ୍କାର ଘର, ୨୭ ଲକ୍ଷ ଟଙ୍କାର ଆଉ ଗୋଟିଏ ଦୁଇ ମହଲା ବିଶିଷ୍ଟ ଘର, ବ୍ରହ୍ମପୁର ନିମଖଣ୍ଡିରେ ୯ ଲକ୍ଷ ଟଙ୍କାର ଏକ ଘର କୈଳାସଙ୍କ ସ୍ତ୍ରୀ ଶ୍ରଦ୍ଧାଞ୍ଜଳିଙ୍କ ନାମରେ ରହିଛି। ୫,୯୬,୧୧୯ ଟଙ୍କା ବିନିମୟରେ ଶ୍ୱଶୁରଘର ଉନ୍ନତୀକରଣ କାର୍ଯ୍ୟ କରାଯାଇଛି ା ସେହିପରି ବଜାରସାହି ଏବଂ ସାରଙ୍ଗଗଡ଼ସ୍ଥିତ ଘରୁ ୪,୭୩,୨୦୦ ଟଙ୍କାର ଘରୋଇ ଉପକରଣ, ୭,୭୫ ହଜାର ଟଙ୍କାର ଟ୍ରାକ୍ଟର, ପୁଅ ନାମରେ ୮୩ ,୫୦୦ ଟଙ୍କାର ଏକ ବାଇକ୍, ୬୮ ଗ୍ରାମ ସୁନା ଗହଣା, ୫, ୭୭,୩୮୦ ଟଙ୍କାର ବିଭିନ୍ନ ପଲିସି ଠାବ କରାଯାଇଛି ା ଯାହାର ଆନୁମାନିକ ମୂଲ୍ୟ ୧ କୋଟି ୬ ଲକ୍ଷ ୪୧୧ ଟଙ୍କା ଆକଳନ କରାଯାଇଛି ା ସେହିପରି ଅନ୍ୟାନ୍ୟ ସ୍ଥାନରେ ଚଢ଼ାଉ ମଧ୍ୟ ଜାରି ରହିଥିବା ଭିଜିଲାନ୍ସ ବିଭାଗ ପକ୍ଷରୁ ସୂଚନା ମିଳିଛି ା ସୂଚନାଯୋଗ୍ୟ, କୌଳାସ ପୂର୍ବରୁ ତୁମୁଡିବନ୍ଧ, କ.ନୂଆଗାଁ ବ୍ଲକରେ ଫରେଷ୍ଟର ଥିଲେ ା ଏହି ସମୟରେ ତାଙ୍କ ନାମରେ ସରକାରୀ ଅର୍ଥ ହଡ଼ପ କରିଥିବା ଅଭିଯୋଗ ହୋଇଥିଲା ା
